અરવિંદ કેજરીવાલે ગુજરાતી માં કર્યું ટ્વિટ કહ્યું એક મોકો અમને આપો અને પછી જુઓ….!

ગુજરાત માં મતદાન ની પૂર્વ સંધ્યા એ કેજરીવાલે ગુજરાતી મતદારો ને આમ આદમી પાર્ટી ને મોકો આપવા જણાવ્યું છે તેઓ એ પોતાની પાર્ટીના ઉમેદવારો ને મત આપવા અપીલ કરી હતી.
આવતીકાલે રાજ્ય માં રવિવારે છ મહાનગર પાલિકાઓની ચૂંટણીનું સવારે મતદાન યોજાશે. હાલ ભાજપ અને કોંગ્રેસ સહિત આમ આદમી પાર્ટી અને ઓવૈસીની પાર્ટી પણ મેદાનમાં છે. હવે મતદારો કોની તરફ મતદાન કરશે એ તો પરિણામો જ બતાવશે. પરંતુ દિલ્હીના મુખ્યમંત્રી અને આમ આદમી પાર્ટીના સુપ્રિમો અરવિંદ કેજરીવાલે ગુજરાતીમાં ટ્વિટ કરીને ગુજ્જુ મતદારોને AAPને એક મોકો આપવાની વાત કરી છે. તેમણે ટ્વિટમાં કહ્યું કે એક મોકો AAPને પછી જુઓ ગુજરાતને, એટલે કે આમ આદમી પાર્ટીને એક મોકો આપો પછી ગુજરાતને જુઓ.
રાજકીય પક્ષોની જો વાત કરવામાં આવે તો 6 કોર્પોરેશનમાં 10 જેટલા રાજકીય પક્ષો ચૂંટણી મેદાનમાં છે. જેમાં મુખ્યત્વે ભાજપ, કોંગ્રેસ , આમ આદમી પાર્ટી, નેશનલિસ્ટ કોંગ્રેસ પાર્ટી (NCP) વચ્ચે અનેક બેઠકો પર સીધી ટક્કર છે. અન્ય પક્ષોમાં બહુજન સમાજ પાર્ટી (BSP), ભારતીય સામ્યવાદી પક્ષ (CPI), ભારતનો સામ્યવાદી પક્ષ, સમાજવાદી પાર્ટી (SP) જનતાદળ સેક્યુલર (JDS) અને ગુજરાતમાં સૌપ્રથમ વખત ચૂંટણી મેદાને ઝંપલાવી રહેલી ઑલ ઈન્ડિયા મજલીસ -એ- ઈત્તહુદુલ મસ્લીમીન (AIMIM) સહિતના અન્ય અને અપક્ષ ઉમેદવારો પણ કોર્પોરેશનની ચૂંટણીમાં જંગમાં ઉતર્યા છે. આમ ગુજરાત માં સ્થાનિક સ્વરાજ્ય ની ચૂંટણી માં આ વખતે ભારે ઉત્સુકતા નો માહોલ જોવા મળી રહ્યો છે.