કેન્દ્રીય સ્વાસ્થ્ય મંત્રાલયના ડેટા અનુસાર, ભારતમાં શુક્રવારે એક જ દિવસમાં કોરોના વાયરસના સંક્રમણના કેસ વધીને 796 થઈ ગયા, જ્યારે 109 દિવસ પછી સક્રિય કેસની સંખ્યા 5,000ને વટાવી ગઈ.
કોવિડ-19ને કારણે પાંચ લોકોના મોત થયા છે
કોવિડ-19 કેસની કુલ સંખ્યા હવે 4.46 કરોડ (4,46,93,506) છે. સવારે 8 વાગ્યે અપડેટ કરાયેલા ડેટાએ જણાવ્યું હતું કે પાંચ મૃત્યુના ઉમેરા સાથે મૃત્યુઆંક વધીને 5,30,795 થયો છે. કર્ણાટક, હિમાચલ પ્રદેશ, પુડુચેરી અને ઉત્તર પ્રદેશ અને કેરળમાં એક-એક દર્દીનું મોત થયું છે.
સક્રિય કેસોની સંખ્યામાં વધારો
સક્રિય કેસોની સંખ્યા વધીને 5,026 થઈ ગઈ છે, જે કુલ ચેપના 0.01 ટકા છે. આરોગ્ય મંત્રાલયની વેબસાઇટ અનુસાર, રાષ્ટ્રીય COVID-19 રિકવરી રેટ 98.80 ટકા છે. આ રોગમાંથી સાજા થનારા લોકોની સંખ્યા વધીને 4,41,57,685 થઈ ગઈ છે. કેસમાં મૃત્યુદર 1.19 ટકા નોંધાયો હતો. મંત્રાલયની વેબસાઇટ અનુસાર, દેશવ્યાપી રસીકરણ અભિયાન હેઠળ કોવિડ-19 રસીના 220.64 કરોડ ડોઝ અત્યાર સુધીમાં આપવામાં આવ્યા છે.
કેન્દ્ર સરકારે 6 રાજ્યોને પત્ર લખ્યો છે
કોરોનાના વધતા જતા કેસોને જોતા કેન્દ્ર સરકારે છ રાજ્યોને પત્ર લખ્યો છે. પત્રમાં આ રાજ્યોને કોવિડ-19ના નિયંત્રણ અને તેના ફેલાવાને રોકવા પર ધ્યાન કેન્દ્રિત કરવા જણાવ્યું હતું. જે રાજ્યોને પત્ર લખવામાં આવ્યો છે તેમાં મહારાષ્ટ્ર, ગુજરાત, તેલંગાણા, તમિલનાડુ, કેરળ અને કર્ણાટકનો સમાવેશ થાય છે.
કેન્દ્રીય આરોગ્ય સચિવે માહિતી આપી હતી
કેન્દ્રીય આરોગ્ય સચિવ રાજેશ ભૂષણે કહ્યું કે કેટલાક રાજ્યોમાં કોવિડ ચેપના કેસ ઝડપથી વધી રહ્યા છે. આ રાજ્યોને સંક્રમણની સ્થિતિ પર નજીકથી નજર રાખવા, રોગના તાત્કાલિક અને અસરકારક સંચાલન માટે જરૂરી પગલાં અમલમાં મૂકવાની સલાહ આપવામાં આવી છે. આ ઉપરાંત, તેમને સ્વાસ્થ્ય મંત્રાલય દ્વારા જારી કરવામાં આવેલી માર્ગદર્શિકાનું પાલન કરવા પણ વિનંતી કરવામાં આવી છે.
