ડિજિટલ ક્રાંતિ માં સુરત મ.ન.પા બન્યું નંબર વન…

દેશ હવે ઝડપ થી ડિજિટલક્રાંતિ તરફ આગળ વધી રહ્યો છે ત્યારે વાત કરીએ સુરત ની તો સુરત મ્યુન્સિપલ કોર્પોરેશનનો ડિજિટલ ઇન્ડિયા પ્રોગ્રામિંગ માં સમગ્ર ભારતમાં પ્રથમ નંબર આવ્યો છે. આઇટી મિનિસ્ટર દ્વારા સુરત મ્યુન્સિપલ કમિશનર ને પ્રમાણપત્ર સાથે એવોર્ડ અર્પણ કરવામાં આવ્યો હતો.આઇટી મિનિસ્ટર રવિશંકર ના હસ્તે સુરત મ્યુન્સિપલ કમિશ્નરને એવોર્ડ આપવામાં આવ્યો હતો અને સુરત મ્યુન્સિપલ કોર્પોરેશનની કામગીરીને બિરદાવી હતી. સુરત શહેરને ફાળે વધુ એક એવોર્ડ આવતા મ્યુન્સિપલ કોર્પોરેશનના કર્મચારીઓ વર્તુળો માં આનંદ ની લાગણી પ્રસરી ગઈ હતી.અત્રે નોંધનીય છે કે સુરત મનપા દ્વારા વખતો વખત નવા નવા પ્રોજેક્ટો અમલમાં મુકવામાં આવ્યા છે. જેમાં સીટી સિવિક સેન્ટર, વેક્સિનેશન એલર્ટ સિસ્ટમ, એસએમએસ મારફતે ઇન્ફોર્મેશન સિસ્ટમ, સિંગલ નંબર હેલ્પલાઇન અને મોબાઈલ એપ જેવી સુવિધાઓ પણ અમલમાં મુકવામાં આવી છે. નવી પેઢી માં આ ન્યૂઝ ગુડ ન્યૂઝ બની રહ્યા હતા.