તુર્કી માં આતંકવાદી હુમલા માં 35 નિર્દોષ વ્યકિઓ ના મોત..

નવા વર્ષ ની ઉજવણી નો લાભ ઉઠાવી આતંકવાદીઓ એ નિર્દોષ લોકો ને મોત ને ઘાટ ઉતારી રાક્ષસી કૃત્ય પાર પડ્યું હતું.સાંટા ક્લોઝના વેશમાં આવેલા આતંકવાદીએ તુર્કીના એક નાઈટ ક્લબમાં આડેધડ ફાયરિંગ કર્યું હતું.જેમાં નવવર્ષની ઉજવણી કરવા એકઠા થયેલા 35 લોકો માર્યા ગયા હતા,જ્યારે 40 અન્યો ઘાયલ થયા હતા.ઘટનાની ગંભીરતાના પગલે આ હુમલાનું પ્રસારણ અટકાવી દેવામાં આવ્યું છે. ગવર્નર વાસિપ શાહિનના કહેવા પ્રમાણે, આતંકવાદીએ પાર્ટીમાં ઘૂસતા પહેલા બહાર સુરક્ષા માટે ઊભેલા પોલીસમેન ને ઠાર માર્યા હતા.બાદમાં તેણે નવવર્ષની પાર્ટી માટે એકઠાં થયેલા લોકો પર અંધાધૂંધ ફાયરિંગ કર્યું હતું.જેમાં ઓછામાં ઓછા 35 લોકોના મોત થયાં હતા,જ્યારે 40 અન્ય ઘાયલ થયા હતા.
આ ઘટના બાદ સમગ્ર હુમલાના કવરેજ પર પ્રતિબંધ મૂકી દેવામાં આવ્યો છે.હુમલા સમયે લગભગ પાંચસો લોકો ક્લબમાં હાજર હતા.હુમલાખોર સાંટાના વેશમાં પ્રવેશ્યો હતો.આજુબાજુનો બે કિલોમીટર સુધીનો વિસ્તાર ખાલી કરાવી દેવાયો છે.પોલીસબળોએ ક્લબને ઘેરી લીધું છે અને પ્રાથમિક સારવાર માટે મોટી સંખ્યામાં એમ્બ્યુલન્સ ઘટનાસ્થળે ધસી ગઈ છે. નોંધનીય છે કે,તુર્કી અગાઉથી જ સંભવિત આતંકવાદી હુમલાની આશંકાને પગલે એલર્ટ પર હતુ,તેમછતાં આતંકવાદીઓ તેમના મનસૂબા માં સફળ થયા હતા.