Share Market Opening on 17 March: સપ્તાહના અંતિમ દિવસે શુક્રવારે મજબૂત ગ્લોબલ સંકેતો (Strong Global Trend) ના આધારે સ્થાનિક શેર બજારો સતત બીજા દિવસે મજબૂતીના રસ્તે છે. બંને મુખ્ય ઈન્ડેક્સ બીએસઈ સેન્સેક્સ (BSE Sensex) અને એનએસઈ નિફ્ટી (NSE Nifty) એ આજે ટ્રેડિંગની શાનદાર શરૂઆત કરી હતી. સેશન શરૂ થયાની થોડી જ મિનિટોમાં બંનેએ ટકાનો વધારો કર્યો હતો.
પ્રી – ઓપનમાં મળ્યા આવા સંકેત
આજે સેશનની શરૂઆત પહેલાં જ સ્થાનિક શેર બજારોમાં મજબૂતીના સંકેત દેખાઈ રહ્યા હતા. સિંગાપોરમાં એનએસઈ નિફ્ટીનો વાયદો એસજીક્સ નિફ્ટી (SGX Nifty) સવારે 122.50 પોઈન્ટ્સ અથવા 0.72 ટકાની તેજી પર હતો, જે દર્શાવે છે કે સ્થાનિક શેરબજાર આજે ટ્રેડિંગની મજબૂત શરૂઆત કરી શકે છે. બજારની ઉથલપાથલનું બેરોમીટર ઈન્ડિયા વિક્સ 0.48 ટકા ડાઉન હતું. આ પણ આજે સારી શરૂઆતના પક્ષમાં હતું. પ્રો-ઓપન સેશન (Pre-Open Session) દરમિયાન સેન્સેક્સ અને નિફ્ટી બંને લીડમાં હતા. સત્રની શરૂઆત પહેલાં સેન્સેક્સ 400 પોઈન્ટથી વધુ ઉછળ્યો હતો. નિફ્ટી પણ 125 પોઈન્ટથી વધુની તેજીમાં હતો.
આવું રહી પ્રથમ સેશનની શરૂઆતની સ્થિતિ
આજે જ્યારે બજારમાં કારોબાર શરૂ થયો ત્યારે બીએસઈનો 30 શેરોવાળા ઈન્ડેક્સ સેન્સેક્સ લગભગ 530 પોઈન્ટના વધારા સાથે 58,160ના પોઈન્ટને પાર કરી ગયો હતો. એ જ રીતે, NSE નિફ્ટી લગભગ 135 પોઈન્ટના વધારા સાથે 17,130 ની સપાટી વટાવી ગયો હતો. આજે દિવસના કારોબારમાં સેન્સેક્સ અને નિફ્ટીની મૂવમેન્ટને વૈશ્વિક બજારના વલણની અસર થઈ શકે છે. ઇન્ડિયાબુલ્સ હાઉસિંગ ફાઇનાન્સ અને ગુજરાત નર્મદા વેલી એફએન્ડઓ આજના વેપારમાં પ્રતિબંધ હેઠળ છે. વિદેશી અને સ્થાનિક રોકાણકારો પણ બજારની મૂવમેન્ટને અસર કરશે.
સતત ઘટાડા પર ગતરોજ બ્રેક લાગી
આ પહેલા ગુરુવારે સતત પાંચમા દિવસે માર્કેટમાં ઘટાડો થંભી ગયો હતો. ગુરુવારે બીએસઈ સેન્સેક્સ અને એનએસઈ નિફ્ટી બંનેએ બિઝનેસની શરૂઆત નબળી કરી હતી, પરંતુ પાછળથી પુનરાગમન કરવામાં સફળ રહ્યા હતા. કારોબારના અંત પછી, સેન્સેક્સ લગભગ 80 પોઈન્ટ સાથે મજબૂત રહ્યો હતો, જ્યારે નિફ્ટી પણ મામૂલી વધારા સાથે બંધ થયો હતો.
