દિલ્હીની હવા ‘ઝેરી’: તાપમાનમાં ઘટાડો, શ્વાસની તકલીફ યથાવત, જાણો આજનું AQI

0
100

દિલ્હી અને આસપાસના વિસ્તારોમાં વાયુ પ્રદૂષણનું સ્તર ફરી વધ્યું છે અને આજે એટલે કે શુક્રવારે સવારે સમગ્ર દિલ્હી-એનસીઆર ધુમ્મસની ચાદરમાં લપેટાયેલું જોવા મળ્યું હતું.

ઘણા વિસ્તારોમાં ધુમ્મસનું સ્તર એટલું જાડું હતું કે દૃશ્યતા શૂન્યની નજીક આવી ગઈ હતી. દૂર દૂરથી કોઈ દેખાતું ન હતું સિસ્ટમ ઑફ એર ક્વોલિટી એન્ડ વેધર ફોરકાસ્ટિંગ એન્ડ રિસર્ચ (SAFAR), આજે દિલ્હીમાં AQI 342 કેટેગરીમાં નોંધાયો છે.

તમને જણાવી દઈએ કે દિલ્હી-એનસીઆરમાં વાયુ પ્રદૂષણનું મુખ્ય કારણ હરિયાણા, પંજાબ અને ઉત્તર પ્રદેશમાં ખેડૂતો દ્વારા સળગાવવામાં આવતી પરળને માનવામાં આવે છે.
નિષ્ણાંતોનું કહેવું છે કે વાયુ સાથે વહીને ધૂળનો ધુમાડો દિલ્હીના વાતાવરણને પ્રદૂષિત કરી રહ્યો છે.
જો કે સરકાર લાંબા સમયથી આ દિશામાં કામ કરી રહી છે.
પરંતુ હજુ કોઈ પરિણામો આવ્યા નથી.

શુક્રવારે દિલ્હીમાં મહત્તમ તાપમાન 25 ડિગ્રી સેલ્સિયસ રહેવાની સંભાવના વ્યક્ત કરાઈ છે.
હવામાન વિભાગના જણાવ્યા અનુસાર આગામી દિવસોમાં ઠંડીમાં વધુ વધારો થશે અને તાપમાનમાં ઘટાડો થશે.
આ દરમિયાન ધુમ્મસનો પ્રકોપ પણ વધશે.હવામાન વિભાગની આગાહી મુજબ 7 ડિસેમ્બર સુધીમાં દિલ્હીનું લઘુત્તમ તાપમાન 7 ડિગ્રી સેલ્સિયસ સુધી પહોંચી જશે. તે જ સમયે, મહત્તમ તાપમાન 25 ડિગ્રી સેલ્સિયસની આસપાસ રહેશે.

નોઈડા અને ગુરુગ્રામનું હવામાન દિલ્હી જેવું જ હશે.
બીજી તરફ એર સ્ટાન્ડર્ડ એજન્સીઓની આગાહી મુજબ આજે શુક્રવારે ઠંડું તાપમાન રહેશે પ્રદૂષણ ને કારણે હવાની ગુણવત્તા વધુ ખરાબ થશે.

દિલ્હીમાં શિયાળાની શરૂઆત અને હવાની બગડતી ગુણવત્તાએ રાષ્ટ્રીય રાજધાનીને સવારે ધુમ્મસના જાડા સ્તરમાં ઘેરી લીધું હતું.

રાષ્ટ્રીય રાજધાનીમાં હવા ગુણવત્તા સૂચકાંક (AQI) આજે સવારે ‘ખૂબ જ નબળી’ શ્રેણીમાં 342 નોંધાયો હતો. કાશ્મીરમાં કોલ્ડ વેવ વચ્ચે ઠંડી પડી રહી છે. આવી સ્થિતિમાં પહાડો પરથી આવતા ઠંડા પવનોને કારણે મેદાની વિસ્તારોમાં ઠંડીમાં વધારો થશે. હવામાન વિભાગે આગાહી કરી છે કે સપ્તાહના અંત સુધીમાં દિલ્હીનું લઘુત્તમ તાપમાન છ ડિગ્રી સેલ્સિયસ સુધી પહોંચી જશે.