નવસારી નજીક કાર અકસ્માત: ૪ના કરુણ મોત..

મોડી રાત ના નવસારી નજીક બનેલી અકસ્માત ની ઘટના માં નેશનલ હાઇવે નંબર ૮ પર વેસ્મા ગામ પાસે મુબઇથી સુરત તરફ જઈ રહેલી મારુતિ સ્વીફ્ટ કારના ચાલકે સ્ટેરીંગ પરથી કાબુ ગુમાવતા ડિવાઈડર પર ચઢી જતા કાર સામેથી આવતી ટ્રક સાથે ધડાકા ભેર અથડાતા કારમાં સવાર ચારે યુવાનના ઘટના સ્થળે મોત નીપજ્ય હતા, વિગતો મુજબ નવસારીના વેસ્મા ગામની સીમમાં આવેલ નેશનલ હાઈવે ૮ પર ક્રિષ્ના હોટલ સામે મુંબઈથી સુરત તરફ જઈ રહેલી મારુતિ સ્વીફ્ટ કાર નંબર-જીજે-૨૧-એએચ-૩૮૯૯ પુરપાટ ઝડપે ડિવાઈડર પર ચઢી જતા કાર હવામાં ફંગોળાઈ સુરતથી મુંબઈ તરફ જઈ રહેલી ટ્રક નંબર–એમએચ-૧૧-બીકે-૪૯૫૫ સાથે ધડાકા ભેર અથડાઈ ફરી પાછી મુંબઈથી અમદાવાદ જતા રોડ પર પટકાતા કારમાં સવાર ચાર યુવાનોના ઘટના સ્થળે કમકમાટી ભર્યા મોત નીપજ્ય હતા.કારનો ડ્રાઈવર કારમાં ફસાઈ ગયો હતો જેને સ્થાનિકો અને પોલીસે કાર કાપી કાઢવામાં આવ્યો હતો.જોકે મોડે સુધી કોઈ ની ઓળખ થઇ શકી ન હતી આ ઘટના ને પગલે અરેરાટી ફેલાઈ ગઈ હતી.