દિલ્હી પોલીસ કોંગ્રેસ નેતા રાહુલ ગાંધીના ઘરે પહોંચી છે.
દિલ્હી પોલીસ કાશ્મીરમાં રાહુલ ગાંધીએ આપેલા નિવેદન પર વાત કરવા માંગે છે.
તમને જણાવી દઈએ કે 16 માર્ચે દિલ્હી પોલીસે રાહુલ ગાંધીને નોટિસ આપી હતી પરંતુ રાહુલે કોઈ જવાબ આપ્યો ન હતો.
આ પછી દિલ્હી પોલીસ આજે રાહુલ ગાંધીના ઘરે પહોંચી છે.
નોંધનીય છે કે કોંગ્રેસ નેતા રાહુલ ગાંધીએ કાશ્મીરમાં કહ્યું હતું કે તેઓ મહિલાઓને મળ્યા છે અને તેમાંથી ઘણી મહિલાઓએ પોતાના ઉપર થઈ રહેલી જાતીય સતામણીની ફરિયાદ કરી છે.
આજે પણ કાશ્મીરમાં મહિલાઓની જાતીય સતામણી થઈ રહી હોવાનું રાહુલ ગાંધીએ નિવેદન આપ્યું હતું. દરમિયાન દિલ્હી પોલીસ રાહુલ પાસેથી તે મહિલાઓની વિગતો જાણવા માંગે છે જેથી કાયદાકીય કાર્યવાહી કરી શકાય.
સ્પેશિયલ CP (L&O) SP હુડ્ડાએ કહ્યું કે અમે રાહુલ ગાંધી સાથે વાત કરવા આવ્યા છીએ. 30 જાન્યુઆરીએ રાહુલ ગાંધીએ શ્રીનગરમાં નિવેદન આપ્યું હતું કે તેઓ ઘણી મહિલાઓને મળ્યા હતા અને તેમને કહ્યું હતું કે તેમની સાથે બળાત્કાર થયો છે. અમે તેમની પાસેથી વિગતો મેળવવાનો પ્રયાસ કરી રહ્યા છીએ જેથી પીડિત મહિલાઓને ન્યાય મળી શકે.
