પારડીની એક પરણિતા એ પોતાના પતિ અને સાસરીયા સામે દહેજ અને શારીરિક-માનસિક ત્રાસ આપતા હોવાની પોલીસમાં ફરિયાદ નોંધાવી છે. આ ફરિયાદમાં પતિ પરાણે શારીરિક સંબંધ બાંધતો હોવાની અને ના પાડે તો અન્ય યુવતી સાથે સંબંધો રાખવાની ધમકી આપતો હોવાનું જણાવ્યું છે. એટલું જ નહીં, યુવતીને પોતાના મિત્ર સાથે સંબંધ બાંધવાની માંગણી કરતો હોવાનો પણ આક્ષેપ કરવામાં આવ્યો છે. આ અંગેની વિગતો એવી છે કે, પારડી અલકાનંદ એપાર્ટમેન્ટમાં રહેતી પલક(નામ બદલ્યું છે)ના લગ્ન વર્ષ 2011માં મુંબઇ ગોરેગાંવ ખાતે રહેતા રયુમન બરજોરજી ચીવલવાલા સાથે થયા હતા. લગ્ન પછી સાસરીયા દ્વારા પલકને દહેજની માગણી તેમજ શારીરિક અને માનસિક ત્રાસ આપવામાં આવતો હતો. સાસરીયા દ્વારા 5.50 લાખની દહેજની માગણી કરવામાં આવી હતી. યુવતીએ ફરિયાદમાં જણાવ્યું છે કે, રયોમદ સાથે લગ્ન બાદ એક પુત્રીનો જન્મ થયો હતો. જે હાલમાં મારી સાથે રહે છે. મારો પતિ આર્થિક, શારીરિક અને માનસિક ત્રાસ આપે છે. તેણે એવો પણ આક્ષેપ કર્યો છે કે, મુંબઇમાં એક જ રૂમમાં ચાર બિલાડીઓને ઉછેરી ગંદકી ફેલાવે છે. એટલું જ નહીં, તું તારા માતા-પિતા અથવા પોલીસ સ્ટેશનમાં ફરિયાદ કરશે તો ઘર છોડીને ભાગી જશે અને ફરી ક્યારેય પાછો નહીં આવે તેવી ધમકી આપે છે. યુવતીએ ફરિયાદ કરી છે કે, મારો પતિ મને બળજબરી પૂર્વક શારીરિક સંબંધ બાંધવા જણાવે છે અને ધમકી આપે છે કે, જો હું તેમ નહીં કરૂ તો અન્ય યુવતી સાથે સંબંધ બાંધશે. તે મારા મિત્રને પણ તફલીફ આપી જાતિય સંબંધ બાંધવા માટે માગણી કરતો હતો. જોકે, અમે બંનેએ તેનો ઇનકાર કર્યો હતો. યુવતીનો આક્ષેપ છે કે, જ્યારે તેની માસૂમ દીકરી પર મુંબઇમાં જાતિય સતામણી થઇ હતી ત્યારે એક પિતા તરીકે તે કશી જ મદદ કરતો ન હતો. સસરા બરજોર ચીવલવાલા, સાસુ જરીન ચીવલવાલાએ મારા પાસે દબાણ કરીને 5.50 લાખ માગતાં મેં લોન લઇને આપ્યા હતા. આ રકમ લગ્ન પહેલા અપાઇ હતી. મારા માતા-પિતાને પણ મોંઘી ગિફટ તથા પૈસા આપવા માટે દબાણ કરાયું હતું. આ ત્રાસથી કંટાળેલી પલક હાલ પુત્રી સાથે પિયર આવી ગઈ છે અને હાલ તે પારડીમાંરહે છે. ફોન પર પતિ અવારનવાર ત્રાસ આપી પૈસાની માગણી કરે છે. પારડી પોલીસે મહિલાની ફરિયાદ લઇ સાસરીયા સામે જરૂરી કાર્યવાહી કરવાની પ્રક્રિયા હાથ ધરી છે.
Subscribe to Updates
Get the latest creative news from FooBar about art, design and business.
પારડીની પરણિતાએ પતિ અને સાસરીયા વિરુદ્ધ નોંધાવી પોલીસ ફરિયાદ
SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.