ફેડના નિર્ણય બાદ રૂપિયો તેની સર્વકાલીન નીચી સપાટીએ 80.45 પર પહોંચ્યો

0
44

રૂપિયો અત્યાર સુધીની સૌથી નીચી સપાટીએ પહોંચી ગયો છે. ગુરુવારે તે અમેરિકી ડૉલરના મુકાબલે 80.28 રૂપિયાના સ્તરે ખુલ્યો હતો. આ પહેલા બુધવારે રૂપિયો 79.98 ના સ્તર પર બંધ થયો હતો. બુધવારે રૂપિયો તેની સર્વકાલીન નીચી સપાટી 80.45 પર પહોંચ્યો હતો. બીજી તરફ ડોલરમાં છેલ્લા 20 વર્ષમાં સૌથી મોટો ઉછાળો જોવા મળ્યો છે.

યુએસ સેન્ટ્રલ બેંક ફેડરલ રિઝર્વે ફુગાવાને અંકુશમાં લેવા માટે વ્યાજ દરોમાં 0.75 ટકાનો વધારો કરવાની જાહેરાત કરી છે,સતત ત્રીજા વધારા પછી બેંકનો બેન્ચમાર્ક ફંડ રેટ 3% થી વધીને 3.25% થયો છે.

2023 સુધીમાં વ્યાજ દર વધીને 4.6 ટકા થવાનો અંદાજ છે.  ભારત સહિત સમગ્ર વિશ્વ પર તેની અસર થવાની સંભાવના છે. જેના કારણે બજારમાં ભારે ઘટાડો જોવા મળ્યો હતો અને બજાર દિવસના નીચા સ્તરે બંધ રહ્યું હતું.

ડાઉ જોન્સ 522 પોઈન્ટ ઘટીને 30184ના સ્તરે બંધ રહ્યો હતો. બીજી તરફ નાસ્ડેક 205 પોઈન્ટ ઘટીને 11,220 પોઈન્ટ પર બંધ રહ્યો હતો. S&P પણ 2% નીચે છે.