વલસાડ માં મહિલાઓ ની હેરાનગતિ કરનાર 2 પત્રકારો ઝડપાયા:પોલીસે શરૂ કરી તપાસ

વલસાડ તાલુકાના મહિલા તલાટીઓએ એકજુથ બની એક સ્થાનિક અખબારના તંત્રી હેમંતભાઈટંડેલ સામે આક્ષેપો કરી અને પત્રકાર કમલેશભાઈશાહનેતાલુકા પંચાયત બહાર માર મારવાનું પ્રકરણ ભારે ગાજયો હતું અને આ પત્રકારો વિરૂદ્ધ જ પોલીસ ફરિયાદ કરી હતી.મહિલા તલાટી કમ મંત્રીઓ એ પોતાને ખોટી રીતે હેરાન કરી તોડપાણીની વાત કરી હેરાન કરતા હોવાનો આક્ષેપ કર્યો હતો, આ પ્રકરણ માં તંત્રી અને રિપોર્ટરને પોલીસે મંગળવારે ઝડપી પાડ્યા હતા.સુરતથી નિકળતા એક સ્થાનિક સાપ્તાહિક પેપરના તંત્રી હેમંતકુમાર રમણલાલ ટંડેલ રહે લેનવાલા કોમ્પલેક્ષ વલસાડ,કમલેશ શોભાલાલ શાહ રહે અતુલ અને સુરેશ ભીખુભાઇ ઠાકોર રહે કચીગામ વિરૂદ્ધ મહિલા તલાટી દર્ષાબેન ચાવડાએ સરકારી કામમાં રૂકાવટ અને છેડતીની ફરિયાદ કરી હતી.જેમાં તેમણે જણાવ્યું કે,કહેવાતા આ મિડિયા કર્મીઓ તેમની કચેરીમાં જઇ અવાર-નવાર હેરાનગતિ કરતા હતા.અનેતોડબાજી કરવાના ઇરાદાથી તેઓ તેમની હાજરીનું અને તેમનો પીછો કરી તેમનું શુટિંગ કરી ખોટી ધમકીઓ આપતા હતા.તેમજ મોડી રાત્રે મેસેજ કરી તેમને માનસિક તાણ આપતા હતા.કહેવાતા આ પત્રકાર મિત્રો તીથલ ગ્રામ પંચાયતમાં નોકરી કરતાં ભારતીબેન પટેલ,હરિયા ગ્રામ પંચાયતના ભાગ્યશ્રીબેન પાટીલ,તીથલમાં અગાઉ ફરજ બજાવી ચૂકેલા પાયલબેન ટંડેલ,પીઠા ગ્રામ પંચાયતના ઇલાક્ષીબેન પરેરા,પાલણના તલાટી કમ મંત્રી અમિતાબેન છાયા,ફણસવાડાના જ્યોતિબેન હળપતિ વગેરેને નું કથિત હેરેસમેન્ટ થતા
અનેક મહિલા તલાટી કમ મંત્રીઓ હેરાનગતિથી કંટાળેલી આ મહિલા અધિકારીઓ રજૂઆત માટે કલેક્ટર કચેરી પર જઇ રહ્યા હતા,ત્યારે તેમની સાથે હેમંત ટંડેલ અને કમલેશ શાહની ચકમક થઇ હતી.જેમાં તેમણે કમલેશને માર માર્યો હોવાના અહેવાલો બહાર આવ્યા હતા, અને તેની સામે કલેક્ટર,એસપીને રજૂઆત બાદ બીજા દિવસે સિટી પોલીસ મથકે ફરિયાદ નોંધાવી હતી.જમાં સિટી પોલીસે હેમંત ટંડેલ અને સુરેશ ભીખુભાઇ ઠાકોરની અટકાયત કરી આગળ ની તપાસ શરૂ કરી હોવાની વિગતો જાણવા મળી છે. આ બનાવે વલસાડજીલ્લા ના મીડિયા જગત અને વહીવટી તંત્ર માં ભારે ચકચાર જગાવી છે. ત્યારે તપાસ ના અંતે કોણ સાચું છે તે વિગતો બહાર આવી શકે તેમ છે અને ભૂતકાળ માં આવા બીજા બનાવો બન્યા હતા કે કેમ તે પણ બહાર આવવાની શક્યતાઓ રહેલી છે, બીજી તરફ આ મિડિયાકર્મી પણ પોતે સાચા હોવાનો દાવો કારી રહ્યા છે, ત્યારે સાચી વિગતો બહાર આવે તે જરૂરી છે,જોકે પોલીસ વધુ તપાસ કરી રહી છે.