વાપી નગરજનો ને નવા વર્ષે મળશે વધુ સુવિધાઓ ની ગિફ્ટ..

વાપીનગર માં નવા વર્ષ ના પ્રારંભે નગરજનો ને વધુ સુવિધાઓ આપવા નગરપાલિકા નું તંત્ર સજ્જ બન્યું છે,સૂત્રો નું માનીએ તો વર્ષ 2017 માં જનતા ને અનેક નવી સુવિધા મળશે. વાપી પાલિકા દ્વારા 2017માં ભૂગર્ભ ગટર યોજનાની કામગીરી ઝડપથી પૂર્ણ થાય તેવા પ્રયાસો કરાશે. ઉપરાંત વાપીમાં ઓડિટોરિયમ, ડસ્ટ ફ્રી, તળાવોને પહોળા કરવાની કામગીરી, ભૂગર્ભ ગટર યોજના માટે બે સુએઝટ્રીટમેન્ટ પ્લાન્ટ સહિત વિવિધ પ્રોજેકટો હાથ ધરાશે. આમતો વાપી શહેરમાં છેલ્લા થોડા વર્ષોમાં ઘણો વિકાસ થયો છે. 2016માં નવા રેલવે અંડરબ્રિજ સહિત અનેક નવા પ્રોજેકટો પૂર્ણ થયા હતા. વર્ષ 2017માં પણ પાલિકા દ્વારા અન્ય મોટા પ્રોજેકટો હાથ ધરાશે.જયારે વલસાડ,પારડી શહેરની જેમ વાપી શહેરમાં પણ સૌથી મોટા ઓડિટોરિયમનું નિર્માણ કરાશે. શહેરને ડસ્ટ ફ્રી કરવાની તૈયારી પણ પાલિકા દ્વારા કરવામાં આવી છે. ભૂગર્ભ ગટર યોજના પૂર્વે બે સુએઝ ટ્રીટમેન્ટ પ્લાન્ટ તૈયાર કરાશે. એક નામધા-ચંડોર ખાતે આ પ્લાન્ટ બનાવામાં આવશે. આ ઉપરાંત તળાવોને ઉંડા કરવાની કામગીરી, નવા માર્ગો, બાગ-બગીચા સહિતના પ્રોજેકટો પાલિકા દ્વારા હાથ ધરાશે. તેમ સૂત્રોએ જણાવ્યું હતું.