સૌથી વધુ ઘટાડો મીડિયા ઈન્ડેક્સમાં ૩ ટકાનો નોંધાયો હતો. જ્યારે રિયલ્ટીમાં ૧.૭૨ ટકા, એફએમસીજીમાં ૧.૬૫ ટકા, ઓટોમાં ૧.૬૩ ટકા, ઈન્ફ્રા, આઈટી, મેટલ અને બેકિંગ શેરોમાં પણ ૧ ટકાથી વધુનો ઘટાડો નોંધાયો હતો. જ્યારે ફાર્મામાં ૦.૭૨ ટકા અને એનર્જીમાં ૦.૫૬ ટકાનો ઘટાડો નોંધાયો હતો. કન્ઝ્યુમર ડયુરેબલ્સમાં ૨.૩૨ ટકા, ઓઈલ એન્ડ ગેસમાં ૧.૩૦ ટકા, આઈટીમાં ૧.૨૭ ટકા, ટેકમાં ૧.૩૩ ટકા અને પાવરમાં ૦.૪૬ ટકાનો ઘટાડો નોંધાયો હતો.
સેન્સેક્સમાં આજે ૩૦માંથી ૨૬ શેર અને નિફ્ટીમાં ૫૦માંથી ૪૦ શેર ઘટીને બંધ રહ્યા હતા. સૌથી વધુ ગગડેલા શેરોમાં અદાણી પોર્ટ ૩.૬૪ ટકા, મારુતિ ૩.૫૬ ટકા, તાતા મોટર્સ ૩.૫ ટકા, બીપીસીએલ ૩.૪૩ ટકા, ઝી એન્ટરપ્રાઇઝ ૩.૨૧ ટકા, એશિયન પેઇન્ટ્સ ૩.૧૩ ટકા, એચડીએફસી ૨.૩૬ ટકાનો સમાવેશ થાય છે. ઉપરાંત આઈપીસીમાં ૨.૩ ટકા, એલએન્ડટીમાં ૨.૨ ટકા, ટીસીએસમાં ૧.૮૩ ટકા, એક્સીસ બેંકમાં ૧.૨૭ ટકા, ઈન્ફોસીસમાં ૧.૧ ટકાનો ઘટાડો નોંધાયો હતો.
