Vijay Rupani funeral: 16 જૂનના રોજ રાજ્યમાં રાજકીય શોક જાહેર
Vijay Rupani funeral: અમદાવાદમાં થયેલી વિમાન દુર્ઘટનામાં ગુજરાતના પૂર્વ મુખ્યમંત્રી વિજય રૂપાણીના દુઃખદ અવસાનની પૃષ્ઠભૂમિમાં રાજ્ય સરકારે 16 જૂન, સોમવારના દિવસે એક દિવસ માટે રાજકીય શોક જાહેર કર્યો છે. આ દિવસે રાજ્યભરમાં રાષ્ટ્રધ્વજ અડધી કાઠીએ ફરકાવાશે અને વિજય રૂપાણીના અંતિમ સંસ્કાર રાજકોટમાં યોજાશે.
અંતિમ સંસ્કાર માટે તૈયારી
તેમનો પાર્થિવ દેહ ગાંધીનગર સ્થિત નિવાસસ્થાનેથી લઈ જઇ અમદાવાદ સિવિલ હોસ્પિટલમાં સોંપવામાં આવ્યો હતો, જ્યાં ડીએનએ પ્રમાણપત્ર મળ્યા બાદ પત્રકાર પરિષદ યોજાઈ હતી. તેમાં પરિવારના સભ્યો ઉપરાંત ભાજપના વરિષ્ઠ નેતાઓ હાજર રહ્યા હતા. રાજકીય અને સામાજિક જીવનમાં તેમની લોકપ્રિયતા અને યોગદાનને ધ્યાનમાં રાખી, તેમનું અંતિમ યાત્રામાર્ગ વિશાળ રૂટમાં નક્કી કરાયો છે જેથી મહત્તમ લોકો શ્રદ્ધાંજલિ આપી શકે.
16 જૂન, સોમવાર – અંતિમ વિદાયના કાર્યક્રમની સંપૂર્ણ રૂપરેખા
સવારના 11:00 વાગ્યે:
વિજયભાઈના પાર્થિવ દેહને ગાંધીનગર નિવાસસ્થાનેથી સિવિલ હોસ્પિટલ, અમદાવાદ તરફ લઈ જવામાં આવશે.
11:30 વાગ્યે:
સિવિલ હોસ્પિટલ ખાતે દેહ સ્વીકાર કરવામાં આવશે.
11:30 થી 12:30:
દેહને એરપોર્ટ તરફ લઈ જવામાં આવશે.
12:30 વાગ્યે:
વિમાની મદદથી દેહ રાજકોટ લઈ જવાશે.
2:00 વાગ્યે:
રાજકોટ એરપોર્ટ પર વિજયભાઈનો દેહ પહોંચશે. ત્યાંથી વિશિષ્ટ રૂટ દ્વારા નિવાસસ્થાન તરફ રવાનગી થશે.
2:00 થી 4:00:
ગ્રીનલેન્ડ ચોકડી, રણછોડદાસ આશ્રમ, કેડી ચોક, ભાવનગર રોડ જેવા વિસ્તારોમાંથી દેહને લઈ જવામાં આવશે.
4:00 થી 5:00:
જાહેર દર્શન માટે વ્યવસ્થા:
રાજકોટ સ્થિત નિવાસસ્થાન ‘પુજિત’ ખાતે જનતાને અંતિમ દર્શન માટે સમય ફાળવવામાં આવ્યો છે.
5:00 થી 6:00:
અંતિમ યાત્રા:
નિવાસસ્થાનથી રામનાથ પરા સ્મશાન યાત્રા હાથ ધરાશે. યાત્રામાં યાજ્ઞિક રોડ, માલવિયા ચોક, સ્વામિનારાયણ મંદિર સહિતના વિસ્તારોનો સમાવેશ છે.
17 જૂન, મંગળવાર – શ્રદ્ધાંજલિ સભા, રાજકોટ
સમય: સાંજના 3:00 થી 6:00
સ્થળ: રેસકોર્સ મેદાન, રાજકોટ
વિજયભાઈને શ્રદ્ધાંજલિ અર્પણ કરવા હજારો લોકોએ હાજરી આપવાની શક્યતા છે.
19 જૂન, ગુરુવાર – શ્રદ્ધાંજલિ સભા, ગાંધીનગર
સમય: સવારે 9:00 થી 12:00
સ્થળ: હૉલ નં. 1, એક્ઝિબિશન સેન્ટર, હેલીપેડ ગ્રાઉન્ડ, ગાંધીનગર
રાજ્ય સરકાર દ્વારા તમામ કાર્યક્રમો દરમિયાન પોલીસ બંદોબસ્ત, ટ્રાફિક નિયંત્રણ અને જાહેર વ્યવસ્થાની ચુસ્ત તૈયારી કરાઈ છે. વિજય રૂપાણીની રાજકીય યાત્રાનો અંત ભલે આવ્યો હોય, પરંતુ ગુજરાતની જનતાના હૃદયમાં તેમનું સ્થાન સ્થિર રહ્યું છે.
