આ પ્રોજેક્ટ દ્વારા દર વર્ષે અંદાજે ૫.૮ કરોડ ટન કાર્બન ઉત્સર્જન ઘટશે. તે વડાપ્રધાન નરેન્દ્ર મોદીના ૨૦૩૦ સુધીમાં ૫૦૦ ગીગાવોટ ગ્રીન એનર્જીના લક્ષ્યાંકને હાંસલ કરવામાં મહત્વની ભૂમિકા ભજવશે.

આ મહાકાય પ્રોજેક્ટને કારણે સ્થાનિક સ્તરે હજારો લોકોને રોજગારી મળી રહી છે. રણના આ અંતરિયાળ વિસ્તારમાં રસ્તા, પાણી અને ટ્રાન્સપોર્ટેશન જેવી માળખાગત સુવિધાઓનો પણ ઝડપી વિકાસ થયો છે.

અદાણી ગ્રીન એનર્જી (Adani Green) આ પાર્કમાં સૌથી મોટું રોકાણકાર છે, જેણે તાજેતરમાં જ ત્યાંથી વીજ ઉત્પાદન શરૂ પણ કરી દીધું છે. આ ઉપરાંત NTPC અને અન્ય જાહેર ક્ષેત્રની કંપનીઓ પણ અહીં કાર્યરત છે.