અમદાવાદ: વાસણામાં મંદિરની અંદર ધોળા દિવસે વેપારીની હત્યા

શહેરના વાસણા વિસ્તારમાં ધોળા દિવસે એક વેપારીની મંદિરમાં હત્યા કરાતા ચકચાર મચી છે. મૃતકની ઓળખ સુરેશ શાહ તરીકે કરવામાં આવી છે. ઢાળની પોળમાં રહેતા સુરેશ શાહ વાસણાની લાવણ્યા સોસાયટીમાં આવેલા વિશ્વેશ્વર મહાદેવના દર્શને આવ્યા હતા ત્યારે મંદિરમાં જ તેમની હત્યા કરવામાં આવી હતી.
પ્રાપ્ત વિગતો અનુસાર, હુમલાખોરોએ 50 વર્ષીય સુરેશભાઈને પહેલા પાછળથી માથામાં પાઈપ ફટકારી હતી. તેઓ આ હુમલાને કારણે નીચે પડી ગયા ત્યારે તેમના પર દેશી તમંચાથી ફાયરિંગ કરવામાં આવ્યું હતું. પોલીસને ઘટનાસ્થળેથી 12 બોરની બે કાર્ટેજ મળી આવી છે.
સુરેશભાઈ શાહ માણેકચોકમાં ટ્રાન્સપોર્ટની ઓફિસ ધરાવે છે. પોલીસે આ મામલે હાલ તપાસ શરુ કરી છે. એફએસએલની ટીમને પણ ઘટનાસ્થળે બોલાવવામાં આવી છે. મળતી વિગતો અનુસાર, હુમલાખોરો હાથમાં મોજા પહેરીને આવ્યા હતા. મૃતકના પરિવારજનો પણ હાલ ઘટનાસ્થળે પહોંચ્યા છે.
પોલીસનું માનવું છે કે, અંગત અદાવતમાં સુરેશભાઈની હત્યા થઈ હોઈ શકે છે. આ ઘટનાની માહિતી મળતા જ માણેકચોકના વેપારીઓ પણ મોટી સંખ્યામાં મંદિરે પહોંચ્યા હતા. પોલીસે આસપાસની કોઈ જગ્યાએ સીસીટીવી કેમેરા લાગેલા હતા કે કેમ તેની તપાસ પણ શરુ કરી છે, જેથી આરોપીઓની ભાળ મેળવી શકાય.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com