અમદાવાદઃ આજે પણ 44 ડિગ્રીને પાર તાપમાન

ગુરુવારે રાજ્યના અન્ય શહેરોની સાથે અમદાવાદ પણ 44 ડિગ્રી તાપમાને શેકાયું હતું. આ ઉનાળામાં ગુરુવારનો 44.3 ડિગ્રી સાથે સૌથી વધુ ગરમ દિવસ રહ્યો હતો. જ્યારે આ પહેલા 11મી મેના દિવસે પણ તાપમાન 44 ડિગ્રી પહોંચ્યું હતું. ગુરુવારમાં તાપમાનનો પારો સામાન્ય કરતા 4.2 ડિગ્રી જેટલો વધારે હતો. તો શહેરમાં લઘુત્તમ તાપમાન સામાન્ય કરતા 0.8 ડિગ્રી વધુ એટલે કે 27.9 ડિગ્રી નોંધાયું હતું. જ્યારે વાતાવરણમાં ભેજનું પ્રમાણ 27-65 ટકાની વચ્ચે રહ્યું હતું. બપોરના સમયે તડકો એટલો પ્રખર હતો કે શહેરમાં સ્વયંભુ કર્ફ્યુ જેવો માહોલ સર્જાયો હતો. ભારે તાપમાનના કારણે મોડી સાંજ સુધી શહેરમાં ગરમ હવા અનુભવી શકાતી હતી. જ્યારે કંડલા એરપોર્ટ રાજ્યમાં બીજા દિવસે પણ સૌથી વધુ ગરમ સ્થળ હતું. હવામાન વિભાગના જણાવ્યા પ્રમાણે બુધવારે કંડલા ખાતે 45.2 અને ગુરુવારે 45.3 તાપમાન રેકોર્ડ કરાયું હતું. જ્યારે તેના બાદ સૌરાષ્ટ્રનું અમરેલી રાજ્યમાં બીજા નંબરે સૌથી ગરમ શહેર બન્યું હતું. અહીં તાપમાનનો પારો 44.7 ડિગ્રી પર પહોંચ્યો હતો. હવામાન વિભાગ દ્વારા શુક્રવાર માટે પણ સૌરાષ્ટ્ર કચ્ચમાં હિટવેવની જાહેરાત કરાઈ છે. હવામાન વિભાગ મુજબ ઉત્તર ગુજરાત, સૌરાષ્ટ્ર કચ્છ અને દક્ષિણ ગુજરાતમાં મહત્તમ તાપમાન 40-44 ડિગ્રી વચ્ચે રહેશે. જ્યારે શુક્રવારે પણ અમદાવાદમાં તાપમાન 44 ડિગ્રીની પાર જઈ શકે તેવી શક્યતા દર્શાવાઈ છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com