Hyundai CNG Cars
Hyundai CNG Cars Update: Hyundaiની CNG કારમાં એક મોટું અપડેટ આવી શકે છે, જેના કારણે કારની બૂટ સ્પેસ વધી જશે. આ માટે કંપની CNG કારમાં ડ્યુઅલ સિલિન્ડર ટેક્નોલોજીનો ઉપયોગ કરી શકે છે.
Hyundai India CNG Cars: Hyundaiએ નવો ટ્રેડમાર્ક નોંધાવ્યો છે, જેના કારણે અનુમાન લગાવવામાં આવી રહ્યું છે કે કંપની તેની CNG કારમાં ડ્યુઅલ-સિલિન્ડર ટેક્નોલોજીનો ઉપયોગ કરવા જઈ રહી છે. તાજેતરમાં, Hyundaiએ ત્રણ મોડલ માટે ફેક્ટરી-ફિટેડ CNG કિટને મંજૂરી આપી છે. Hyundaiના આ ત્રણ મોડલમાં Exeter, Aura અને Grand i10 Niosનો સમાવેશ થાય છે.
નવી ટેક્નોલોજીથી બુટ સ્પેસ વધશે
Hyundaiએ મે મહિનામાં Hy-CNG અને Hy-CNG ડ્યૂઓનું ટ્રેડમાર્ક કર્યું હતું. Hy-CNG ટ્રેડમાર્ક હોવાથી એવું લાગે છે કે કંપની CNG કારને નવું નામ આપવા જઈ રહી છે. Hy-CNG Duo એ સંકેત આપી રહ્યું છે કે Hyundaiની CNG કારમાં ડ્યુઅલ-સિલિન્ડર ટેક્નોલોજીનો ઉપયોગ કરવામાં આવશે. આ ટેક્નોલોજી હેઠળ એક મોટા સિલિન્ડરને બદલે બે નાના સીએનજી સિલિન્ડરનો ઉપયોગ કરવામાં આવશે. પરંતુ હ્યુન્ડાઈએ હજુ સુધી આ અંગે કોઈ માહિતી આપી નથી.
ટાટા મોટર્સે પહેલ કરી
ટાટા મોટર્સે સૌથી પહેલા આ ટેક્નોલોજીનો ઉપયોગ તેના CNG વાહનોમાં કર્યો છે. એક વર્ષ પહેલા ટાટાએ CNG કારમાં ટ્વિન-સિલિન્ડરનો ઉપયોગ કર્યો હતો અને આજે આ ટેક્નોલોજીનો ઉપયોગ ટાટાના CNG મોડલ્સ અલ્ટ્રોઝ, ટિયાગો, પંચ અને ટિગોરમાં થઈ રહ્યો છે.
હ્યુન્ડાઈની CNG કાર
Hyundai Grand i10 Nios એ ભારતમાં સૌથી સસ્તું CNG કાર છે. આ કારની એક્સ-શોરૂમ કિંમત 7.68 લાખ રૂપિયાથી શરૂ થાય છે. જ્યારે Auraની કિંમત 8.31 લાખ રૂપિયાથી શરૂ થાય છે અને 9.05 લાખ રૂપિયા સુધી જાય છે. આ સિવાય Hyundai Exterના CNG મોડલની કિંમત 8.43 લાખ રૂપિયાથી શરૂ થઈને 9.16 લાખ રૂપિયા સુધી જાય છે.
હ્યુન્ડાઈની સીએનજી કારમાં ડ્યુઅલ સિલિન્ડર ટેક્નોલોજીનો ઉપયોગ થાય છે કે નહીં તે જોવું રહ્યું. ઉપરાંત, હ્યુન્ડાઈ તેની CNG લાઇન-અપને વિસ્તારવા માટે વધુ નવા વેરિઅન્ટ્સ ક્યારે લાવશે?
