ચીને ઈન્ટરનેટ ઉપરથી ફરી કોરોનાને લગતી સામગ્રી દૂર કરતા આખરે વર્લ્ડ હેલ્થ ઓર્ગેનાઈઝેશન (ડબ્લ્યુએચઓ) એ કોરોનાવાયરસના મૂળને જાહેર કરતા ડેટા હઠવવા બદલ અને વૈજ્ઞાનિક સંશોધનને અવરોધિત કરવા બદલ ચીનના અધિકારીઓને તેનો ખુલાસો કરવા જણાવ્યું છે.
ડબ્લ્યુએચઓએ શુક્રવારે ચીનના અધિકારીઓને ત્રણ વર્ષ પહેલા ડેટા જાહેર ન કરવાના કારણો અને જાન્યુઆરીમાં પણ કોરોનાને લગતા ઓનલાઈન ડેટા તેને કેમ દૂર કરવામાં આવ્યા તે અંગે પણ પૂછ્યું હતું.
જોકે,ઈન્ટરનેટ પરથી ડેટા દૂર કરવામાં આવે તે પહેલા, વાયરસ નિષ્ણાતોની આંતરરાષ્ટ્રીય ટીમે સંશોધનને ડાઉનલોડ કરીને તેનું વિશ્લેષણ કરવાનું શરૂ કર્યું હતું.
ટીમે જાહેર કર્યું કે ડેટા સૂચવે છે કે રોગચાળાની શરૂઆત ગેરકાયદેસર રીતે વેચાયેલા ઉત્તર અમેરિકાનું ગુચ્છાદાર પૂંછડીવાળું રીંછ કૂતરાઓથી થઈ શકે છે, ત્યારબાદ ચીનના વુહાન હુઆનન સીફૂડ હોલસેલ માર્કેટમાં માનવોને આ ચેપ લાગ્યો હતો.
પરંતુ ટીમ અંતિમ પરિણામો સુધી પહોંચી શકી ન હતી કારણ કે જ્યારે નિષ્ણાતોએ તેમના ચાઇનીઝ સમકક્ષો સાથે વિશ્લેષણમાં સહયોગ કરવાની ઓફર કરી હતી, ત્યારે જનીન સિક્વન્સને વૈજ્ઞાનિક ડેટાબેઝમાંથી દૂર કરવામાં આવ્યા હતા. ડબ્લ્યુએચઓના ડાયરેક્ટર જનરલ ડો. ટેડ્રોસ એડહાનોમ ગેબ્રેયેસે કહ્યું, ‘આ આંકડા ત્રણ વર્ષ પહેલા શેર કરી શકાતા હતા અને શેર કરવા જોઈએ. તેમણે કહ્યું કે ગુમ થયેલા પુરાવાઓને હવે તરત જ આંતરરાષ્ટ્રીય સમુદાય સાથે શેર કરવાની જરૂર છે.
