CUET UG Result 2024: નવી દિલ્હી કોમન યુનિવર્સિટી એન્ટ્રન્સ ટેસ્ટ UG (CUET UG) 2024 ની પરીક્ષામાં ભાગ લેનારા 13.48 લાખ વિદ્યાર્થીઓ લાંબા સમયથી પરિણામ જાહેર થવાની રાહ જોઈ રહ્યા છે. મીડિયા રિપોર્ટ્સ અનુસાર, આ વિદ્યાર્થીઓની રાહ ગમે ત્યારે ખતમ થઈ શકે છે. નેશનલ ટેસ્ટિંગ એજન્સી (NTA) દ્વારા કોઈપણ સમયે સત્તાવાર વેબસાઈટ exams.nta.ac.in/CUET-UG પર ઓનલાઈન માધ્યમ દ્વારા પરિણામો જાહેર કરી શકાય છે. CUET UG 2024 નું પરિણામ જાહેર થતાંની સાથે જ, વિદ્યાર્થીઓ વેબસાઇટની મુલાકાત લઈને અને એપ્લિકેશન નંબર, જન્મ તારીખ અને આપેલ સુરક્ષા પિન દાખલ કરીને સ્કોર કાર્ડ ડાઉનલોડ કરી શકશે.
મીડિયામાં ચાલી રહેલા સમાચાર મુજબ, NTA દ્વારા CUET UG 2024નું પરિણામ આજે જાહેર કરવામાં આવી શકે છે. જોકે, NTA દ્વારા હજુ સુધી આ સંબંધમાં કોઈ સત્તાવાર માહિતી શેર કરવામાં આવી નથી.
CUET UG પરીક્ષાનું પરિણામ આજે જાહેર થઈ શકે છે, લાખો ઉમેદવારોની રાહનો આજે અંત આવી શકે છે. જે ઉમેદવારોએ આ પરીક્ષા આપી છે તેઓ સત્તાવાર exams.nta.ac.in/CUET-UG પર તપાસ કરી શકે છે
