પ્રિયંકા ચોપરા અને નિક જોનસ ટુંક સમયમાં સગાઈ કરશે

એક ફિલ્મી મેગેઝિનમાં છપાયેલા રિપોર્ટ મુજબ નિક મુંબઇ આવીને પ્રિયંકાની માતા મધુ ચોપરાને મળ્યો. ત્યારબાદ બંને પોતાના સંબંધને આગળ વધારવાનું નક્કી કરી ચૂકયાં છે. અેક અઠવાડિયા પહેલાં પ્રિયંકા પણ નિકના પરિવાર સાથે તેના કઝીનનાં લગ્ન દરમિયાન ખૂબ જ હળીમળી રહી હતી. હવે જ્યારે તેમની સગાઇના સમાચાર સાંભળવા મળ્યા છે ત્યારે નક્કી થઇ ગયું છે કે આ બંને તેમના સંબંધોને લઇને સિરિયસ છે. બંને ભારતમાં એક અઠવાડિયા છે. પ્રિયંકાની માતા મધુ સાથે બંને ડિનર કરવા ગયાં ત્યારથી મીડિયા તેમને સતત ફોલો કરી રહ્યું છે. આ બંને એકબીજાની ખૂબ જ નજીક જોવા મળ્યાં. મીડિયા સમક્ષ પણ આ બંનેની નજર એકબીજાને શોધી રહી હતી. એ જ રાત્રે નિકે ઇન્સ્ટાગ્રામ પર પ્રિયંકાનો જે વીડિયો પોસ્ટ કર્યાે તેના કેપ્શનમાં her લખવાની સાથે દિલવાળું ઇમોજી પણ શેર કર્યું હતું.