12 C
Ahmedabad
Friday, January 28, 2022

જનરલ બિપિન રાવતઃ એર ચીફ માર્શલ VR ચૌધરી અકસ્માત સ્થળ પર પહોંચ્યા, યુએન સેક્રેટરી જનરલે વ્યક્ત કર્યું દુઃખ

Must read

ભારતીય વાયુસેનાના વડા વીઆર ચૌધરી તામિલનાડુમાં ગઈકાલે ક્રેશ થયેલા હેલિકોપ્ટરના દુર્ઘટના સ્થળ પર પહોંચ્યા છે.

બુધવારે થયેલી આ દુર્ઘટનામાં ભારતના પ્રથમ ચીફ ઑફ ડિફેન્સ સ્ટાફ જનરલ બિપિન રાવત અને તેમની પત્ની સહિત 13 લોકો માર્યા ગયા હતા.

આ અકસ્માતમાં ગ્રુપ કેપ્ટન વરુણ સિંહ ઘાયલ થયા છે અને તેમની આર્મી હોસ્પિટલમાં સારવાર ચાલી રહી છે. રક્ષા મંત્રી રાજનાથ સિંહ આજે સંસદમાં અકસ્માત અંગે નિવેદન આપશે.

તો બીજી તરફ આ દુર્ઘટના અને CDS જનરલ રાવતના નિધન પર દુનિયાભરમાંથી શોક સંદેશો આવી રહ્યા છે. યુએન સેક્રેટરી જનરલ એન્ટોનિયો ગુટેરેસે કહ્યું છે કે જનરલ રાવતે તેમની યુએન પોસ્ટિંગ દરમિયાન શાનદાર કામ કર્યું હતું.

ગુટેરેસે કહ્યું, “હું CDS જનરલ રાવત અને અન્ય 11 લોકોના મૃત્યુથી દુખી છું. હું તેમના પરિવારને શોક સંદેશ મોકલું છું. જનરલ રાવતે સંયુક્ત રાષ્ટ્રને પણ પોતાની સેવાઓ આપી હતી. તેઓ કોંગોમાં સંયુક્ત રાષ્ટ્ર શાંતિ સેનામાં બ્રિગેડ કમાન્ડર હતા. તેમણે ત્યાં સારું કામ કર્યું અને અમે તેમના કામની પ્રશંસા કરીએ છીએ.”

નેપાળના વડાપ્રધાન શેર બહાદુર દેઉબાએ પણ ટ્વીટ દ્વારા CDS જનરલ રાવતના નિધન પર શોક વ્યક્ત કર્યો છે.

 

 

 

 

 

 

- Advertisement -

More articles

- Advertisement -

Latest article