IND vs AUS મેચની ટિકિટ લેવા આવેલા ચાહકો પર પોલીસે કર્યો લાઠીચાર્જ

0
111

ભારત અને ઓસ્ટ્રેલિયા વચ્ચે ત્રણ મેચની T20 સીરીઝની છેલ્લી મેચ હૈદરાબાદમાં રમાવાની છે. ચાહકો આ મેચની ટિકિટ મેળવવા માટે સવારના 5 વાગ્યાથી રાહ જોઈ રહ્યા હતા, પરંતુ સમય વીતતા પોલીસકર્મીઓને વધતી ભીડને સંભાળવી ભારે પડી ગઈ હતી. ભીડ બેકાબૂ બની જતાં પોલીસે લાઠીચાર્જ કરવો પડ્યો હતો. ન્યૂઝ એજન્સી અનુસાર, આ લાઠીચાર્જમાં 4 લોકો ઘાયલ પણ થયા છે. આ ઘટનાનો વીડિયો સોશિયલ મીડિયા પર જોરદાર વાયરલ થઈ રહ્યો છે.

આ ઘટનાનો વિડિયો પોસ્ટ કરતા ANIએ લખ્યું કે, હૈદરાબાદના તેલંગાણામાં રાજીવ ગાંધી ઈન્ટરનેશનલ સ્ટેડિયમમાં 25મી સપ્ટેમ્બરે યોજાનારી #INDvsAUS મેચની ટિકિટ લેવા માટે ક્રિકેટ ચાહકોની મોટી ભીડ એકત્ર થયા બાદ જીમખાના ગ્રાઉન્ડ પર નાસભાગ મચી ગઈ હતી. ભીડને વિખેરવા પોલીસે લાઠીચાર્જ કર્યો હતો. 4 લોકો ઘાયલ.’