Asaduddin Owaisi: લોકસભાના વિશેષ સત્રમાં તમામ ચૂંટાયેલા સાંસદો સંસદના સભ્યપદના શપથ લઈ રહ્યા છે. અસદુદ્દીન ઓવૈસીએ પણ ઉર્દૂમાં શપથ લીધા હતા અને બહાર નીકળતી વખતે જય પેલેસ્ટાઈનના નારા લગાવ્યા હતા.
હૈદરાબાદના સાંસદ અને AIMIMના વડા અસદુદ્દીન ઓવૈસીએ 18મી લોકસભાની કાર્યવાહીના બીજા દિવસે સંસદના સભ્ય તરીકે શપથ લીધા. શપથ લેતી વખતે ઓવૈસીએ ‘જય પેલેસ્ટાઈન’ના નારા લગાવીને વિવાદ સર્જ્યો હતો.
ખરેખર, પ્રોટેમ સ્પીકરે અસસુદ્દીન ઓવૈસીને લોકસભાના સભ્ય તરીકે શપથ લેવા માટે બોલાવ્યા હતા. ઓવૈસી આવ્યા અને બિસ્મિલ્લાના પાઠ કર્યા પછી સાંસદ તરીકે શપથ લીધા. સાંસદ તરીકે શપથ લીધા બાદ તેમણે બહાર નીકળતી વખતે ‘જય ભીમ, જય તેલંગાણા અને બાદમાં જય પેલેસ્ટાઈન’ના નારા લગાવ્યા હતા. જેના કારણે ભાજપના સાંસદોએ સંસદમાં હંગામો શરૂ કર્યો હતો.
ઓવૈસી પાંચમી વખત ચૂંટણી જીતીને સંસદ પહોંચ્યા
હૈદરાબાદ લોકસભા સીટ પરથી અસદુદ્દીન ઓવૈસી સતત પાંચમી વખત જીત્યા છે. આ વખતે અસદુદ્દીન ઓવૈસીને કુલ 6,61,981 મત મળ્યા અને તેમણે ભાજપની માધવી લતાને 3,38087 મતોથી હરાવ્યા. અગાઉ 2019ની ચૂંટણીમાં ઓવૈસી કુલ 58.95% વોટ શેર સાથે જીત્યા હતા.
Sworn in as member of Lok Sabha for the fifth time. Inshallah I will continue to raise issues of India’s marginalised with sinceritypic.twitter.com/OloVk6D65B
— Asaduddin Owaisi (@asadowaisi) June 25, 2024
ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM)ના વડા અસદુદ્દીન ઓવૈસી 2004માં હૈદરાબાદ લોકસભા બેઠક પરથી ચૂંટણી જીતીને પહેલીવાર સંસદમાં પહોંચ્યા હતા. આ પછી, તેણે 2009, 2014, 2019 અને 2024 માં તેની જીતનો સિલસિલો ચાલુ રાખ્યો.
પીએમ મોદીએ પહેલા દિવસે સાંસદ તરીકે શપથ લીધા
તમને જણાવી દઈએ કે અઢારમી લોકસભાનું પ્રથમ સત્ર સોમવાર (24 જૂન) ના રોજ શરૂ થયું હતું, જેમાં વડાપ્રધાન નરેન્દ્ર મોદી , તેમની મંત્રી પરિષદના સભ્યો તેમજ અન્ય નવા ચૂંટાયેલા સભ્યોએ ગૃહના સભ્યો તરીકે શપથ લીધા હતા. કાર્યકારી સ્પીકર (પ્રોટેમ સ્પીકર) ભર્તૃહરિ મહતાબે ગૃહની કાર્યવાહીનું સંચાલન કર્યું અને સભ્યોને શપથ લેવડાવ્યા. તાજેતરમાં પૂર્ણ થયેલી લોકસભા ચૂંટણી બાદ વડાપ્રધાન મોદી સતત ત્રીજી વખત સત્તામાં પરત ફર્યા છે . મોદી અને તેમના મંત્રી મંડળે 9 જૂને શપથ લીધા હતા.
