IndiGo ભાજપ સરકારના મંત્રીએ આપ્યું મોટું નિવેદન
IndiGo હાલમાં ભારત અને પાકિસ્તાન વચ્ચે તણાવભરી સ્થિતિમાં તુર્કીએ જાહેરમાં પાકિસ્તાનને સમર્થન આપ્યું છે. તેના પગલે ભારતની જનતા અને વિવિધ સંગઠનો તુર્કી ઉત્પાદનો અને સેવાઓનો વિરોધ કરી રહ્યા છે. તાજેતરમાં, ઇન્ડિગો એરલાઇન્સે ટર્કિશ એરલાઇન્સ પાસેથી બે બોઇંગ 777 વિમાન ભાડે લીધાં હોવાના સમાચાર સામે આવ્યા છે. આ મુદ્દે નાગરિક ઉડ્ડયન મંત્રી રામ મોહન નાયડુએ નિવેદન આપતાં જણાવ્યું કે સરકારે હજુ આખરી નિર્ણય કર્યો નથી પરંતુ તમામ સંભવિત પાસાઓની સમીક્ષા થઈ રહી છે.
વિમાન ભાડે લેવા પાછળનું કારણ અને ફ્લાઇટ કામગીરી
ઈન્ડિગોએ જે બે બોઇંગ 777 વિમાનો લીઝ પર લીધા છે તે ખાસ કરીને ઇસ્તાંબુલ માટે સીધી લાંબી અંતરની ફ્લાઇટ્સ માટે ઉપયોગમાં લેવામાં આવી રહ્યા છે. દરેક વિમાનમાં 500 થી વધુ બેઠકો છે અને મુસાફરોને વધુ સુવિધા અને લંબાઈ વાળા આંતરરાષ્ટ્રીય રૂટ્સ પર સેવા આપવાનું લક્ષ્ય છે. ઇન્ડિગોના CEO પીટર એલ્બર્સના જણાવ્યા અનુસાર, કંપની સમગ્ર પ્રક્રિયામાં નિયમનકારી માળખાનું પાલન કરી રહી છે અને કોઇપણ પ્રકારની સુરક્ષા સાથે જોડાયેલી ચિંતા સામે સરકાર અને સંબંધિત એજન્સીઓ સાથે સહયોગી છે.
સુરક્ષા અને નીતિગત મુદ્દાઓનું મૂલ્યાંકન
ઉડ્ડયન મંત્રાલયે કહ્યું છે કે ટર્કિશ એરલાઇન્સ સાથેના ભાડે લીધેલા વિમાનોના સંદર્ભમાં સુરક્ષા એજન્સીઓ પાસેથી માહિતી એકઠી કરવામાં આવી રહી છે. ત્યારબાદ, ટર્કી સાથે કરારનું પુનઃમૂલ્યાંકન કરવામાં આવશે. મંત્રી રામ મોહન નાયડુએ જણાવ્યું કે “અમે આ સમયે માહિતી એકઠી કરી રહ્યા છીએ. તમામ પાસાઓની સમીક્ષા બાદ આગળના પગલાં લેવામાં આવશે.”
ટર્કી કંપનીની સુરક્ષા મંજૂરી રદ, જનતામાં આક્રોશ
ટર્કી દ્વારા પાકિસ્તાનને સમર્થન આપ્યા બાદ ઉડ્ડયન સુરક્ષા નિયમનકર્તા એ તુર્કી કંપની સેલેબી એરપોર્ટ સર્વિસીસ ઈન્ડિયા પ્રાઇવેટ લિમિટેડની સુરક્ષા મંજૂરી રદ કરી હતી. આ પગલું રાષ્ટ્રીય સુરક્ષાને ધ્યાનમાં રાખીને લેવામાં આવ્યું હતું. આ ઉપરાંત, કેટલાક ટ્રાવેલ પોર્ટલોએ પણ ભારતીયોને તુર્કી ન જવાની સલાહ આપી છે, જેના કારણે સામાજિક સ્તરે પણ આ મુદ્દો ગંભીર બની ગયો છે.
અગામી દિવસોમાં નિર્ણય સંભવિત
હવે તમામ દ્રષ્ટિકોણોથી ચિંતન બાદ સરકાર લીઝ નવીકરણ અંગે નિર્ણય લેશે. ભારત સરકાર માટે વિદેશી કંપનીઓ સાથેના વ્યવહારમાં રાષ્ટ્રીય હિત અને સુરક્ષા સર્વોચ્ચ છે. જો ટર્કી સાથે સંબંધો વધુ ખરાબ થાય છે, તો ભવિષ્યમાં એરલાઇન કંપનીઓ માટે પણ નવા વિકલ્પ શોધવાની જરૂર પડી શકે છે.
