PM Modi ઈટાલીમાં ‘ગ્રુપ ઓફ સેવન’ અથવા તો જી7 દેશોની બેઠક યોજાઈ રહી છે. આ વખતે G7 સમિટનું આયોજન 13 થી 15 જૂન દરમિયાન કરવામાં આવી રહ્યું છે. આ કાર્યક્રમમાં વિશેષ અતિથિ તરીકે આમંત્રિત વડાપ્રધાન નરેન્દ્ર મોદી ઈટાલી પહોંચી ગયા છે. સમિટ દરમિયાન ભારત આર્ટિફિશિયલ ઈન્ટેલિજન્સ, ઊર્જા, આફ્રિકા અને ભૂમધ્ય ક્ષેત્ર જેવા મુદ્દાઓ પર ધ્યાન કેન્દ્રિત કરશે.
યુક્રેનમાં ચાલી રહેલા ભયાનક યુદ્ધ અને ગાઝામાં સંઘર્ષનો મુદ્દો આ કોન્ફરન્સમાં હાવી થવાનો છે. PM મોદી યુએસ પ્રમુખ જો બિડેન અને ઇટાલીના જ્યોર્જિયા મેલોની સહિત વિશ્વના ઘણા નેતાઓ સાથે દ્વિપક્ષીય બેઠકો કરે તેવી શક્યતા છે, જેઓ G7 સમિટના આઉટરીચ સત્રમાં ભાગ લેશે. તે આ દેશો સાથે સંરક્ષણ અને વેપાર જેવા મુદ્દાઓ પર ચર્ચા કરી શકે છે. ઇટાલી જતા પહેલા પીએમ મોદીએ કહ્યું કે આઉટરીચ સેશનમાં ગ્લોબલ સાઉથ માટે મહત્વપૂર્ણ મુદ્દાઓ પર પણ ચર્ચા કરવામાં આવશે. ભારત પોતાને ગ્લોબલ સાઉથનો અવાજ બનાવવા માંગે છે. સતત ત્રીજી વખત વડાપ્રધાન બન્યા બાદ પીએમ મોદીની આ પ્રથમ વિદેશ યાત્રા છે.
ઇટાલીના અપુલિયા વિસ્તારમાં બોર્ગો એગ્નાઝિયાના વૈભવી રિસોર્ટમાં યોજાનારી G7 સમિટમાં વૈશ્વિક મુદ્દાઓની સાથે દ્વિપક્ષીય મુદ્દાઓને પણ સ્થાન આપવામાં આવશે. G7માં અમેરિકા, બ્રિટન, ફ્રાન્સ, ઇટાલી, જર્મની, કેનેડા અને જાપાનનો સમાવેશ થાય છે. ઇટાલી હાલમાં G7 (ગ્રુપ ઓફ સેવન) સમિટની અધ્યક્ષતા અને હોસ્ટિંગ કરી રહ્યું છે. PM મોદી G7 સમિટમાં ભાગ લીધા બાદ ઇટલીથી ભારત જવા રવાના થયા હતા. પીએમ મોદી ઈટાલીમાં ઈમેન્યુઅલ મેક્રોન, ઋષિ સુનાક, ઝેલેન્સકીને મળ્યા… પીએમ મોદી પોપ ફ્રાન્સિસને પણ મળ્યા. PM મોદીની ફ્રાન્સના રાષ્ટ્રપતિ ઇમેન્યુઅલ મેક્રોન સાથે દ્વિપક્ષીય બેઠક.. બંને નેતાઓએ ‘હોરાઇઝન 2047’ રોડમેપ પર ચર્ચા કરી.
