NEET PG Exam 2024: સુપ્રીમે NEET-PG પરીક્ષા સ્થગિત કરવાની માંગને ફગાવી, કહ્યું- છેલ્લી ક્ષણે આવો આદેશ આપી શકાય નહીં
NEET PG Exam 2024 સુપ્રીમ કોર્ટે 11 ઓગસ્ટે યોજાનારી NEET PG પરીક્ષાને સ્થગિત કરવાની માંગને ફગાવી દીધી હતી. કોર્ટે કહ્યું, લાખો વિદ્યાર્થીઓએ પરીક્ષા આપવી પડશે.
સુપ્રીમ કોર્ટે 11 ઓગસ્ટે યોજાનારી NEET PG પરીક્ષાને સ્થગિત કરવાની માંગને ફગાવી
સુપ્રીમ કોર્ટે 11 ઓગસ્ટે યોજાનારી NEET PG પરીક્ષાને સ્થગિત કરવાની માંગને ફગાવીદીધી હતી. કોર્ટે કહ્યું, લાખો વિદ્યાર્થીઓએ પરીક્ષા આપવી પડશે, આવો આદેશ છેલ્લી ક્ષણે આપી શકાય નહીં. અરજદારે કહ્યું કે ઘણા વિદ્યાર્થીઓના પરીક્ષા કેન્દ્રો એવા શહેરોમાં છે જ્યાં પહોંચવું મુશ્કેલ છે.
અરજીમાં કહેવામાં આવ્યું છે કે કેન્દ્રોની ફાળવણી ગેરરીતિઓને રોકવા માટે કરવામાં આવી હતી, પરંતુ સમયની મર્યાદાને કારણે ઉમેદવારો માટે ચોક્કસ શહેરોમાં મુસાફરીની વ્યવસ્થા કરવી મુશ્કેલ છે. NEET UG પરીક્ષા અગાઉ 23 જૂને યોજાવાની હતી. કેટલીક સ્પર્ધાત્મક પરીક્ષાઓમાં કથિત ગેરરીતિઓને ધ્યાનમાં રાખીને સાવચેતીના પગલા તરીકે તેને મુલતવી રાખવામાં આવી હતી.
