Waqf Amendment Bill: JPCને 84 લાખ ઈમેલ અને વકફ સુધારા બિલ પર લેખિત સૂચનોથી ભરેલા 70 બોક્સ મળ્યા.
Waqf Amendment Bill: વકફ બોર્ડની સત્તાઓને મર્યાદિત કરવાના ઉદ્દેશ્ય સાથે લાવવામાં આવેલ વકફ સુધારા બિલને સંયુક્ત સંસદીય સમિતિ (જેપીસી)ને મોકલવામાં આવ્યું છે. આ અંગે અત્યાર સુધીમાં જેપીસીની ચાર બેઠકો થઈ ચૂકી છે. આ સમય દરમિયાન, જેપીસીએ વકફ સુધારા બિલ અંગે સામાન્ય લોકો પાસેથી સૂચનો માંગ્યા હતા.
આ મામલે અત્યાર સુધીમાં લગભગ 84 લાખ સૂચનો જેપીસીને ઈમેલ દ્વારા આવ્યા છે. આ સાથે, લેખિત સૂચનોથી ભરેલા લગભગ 70 બોક્સ પણ સંયુક્ત સંસદીય સમિતિ પાસે આવ્યા છે. નોંધનીય છે કે જેપીસીએ સૂચનો આપવાની છેલ્લી તારીખ 16 સપ્ટેમ્બરની મધ્યરાત્રિ 12 સુધી લંબાવી હતી.
