Jioનું પહેલું લેપટોપ લોન્ચ, કિંમત 15 હજાર રૂપિયાથી ઓછી!

0
373

Jioના પહેલા લેપટોપ હવે આવી ગયું છે,જેની કિંમત પણ 15 હજાર કરતા પણ ઓછી છે.રિલાયન્સ જિયોએ દિલ્હીના પ્રગતિ મેદાન ખાતે ચાલી રહેલા ઈન્ડિયા મોબાઈલ કોંગસે (IMC 2022)માં તેના પ્રથમ લેપટોપ, Jio Bookની પ્રથમ ઝલક બતાવી છે. Jio બુકમાં સ્નેપડ્રેગન પ્રોસેસર છે અને Jioની ઓપરેટિંગ સિસ્ટમ છે. Jio Bookની બોડી પ્લાસ્ટિકની છે.

જિયો બુકમાં સ્નેપડ્રેગન 665 પ્રોસેસર આપવામાં આવ્યું છે. આ પ્રોસેસર આ પહેલા પણ ઘણા સ્માર્ટફોનમાં જોવા મળ્યું છે. આ સાથે, Adreno 610 GPU ગ્રાફિક્સ માટે ઉપલબ્ધ છે અને તેની મહત્તમ ક્લોક સ્પીડ 2.0GHz છે. Jio Bookમાં 11.6-ઇંચની ડિસ્પ્લે છે અને તેની બેટરી 13 કલાકની છે.

Jio Bookમાં વિન્ડોઝની કેટલીક આવશ્યક એપ્સ છે પરંતુ ઓપરેટિંગ સિસ્ટમ Jioની છે. વીડિયો કોલિંગ માટે તેમાં HD કેમેરા પણ છે. Jio Bookમાં 32 GB સ્ટોરેજ સાથે 2 GB રેમ છે. પ્રથમ નજરમાં, Jio Book Chromebook જેવું લાગે છે. આ સાથે, ફક્ત વિન્ડોઝ સાથેનું કીબોર્ડ ઉપલબ્ધ છે.

Jioની કેટલીક એપ્સ Jio Book સાથે પ્રી-ઇન્સ્ટોલ હશે. Jio બુકના કીબોર્ડમાં વિન્ડોઝ બટન પર Jio લખેલું છે. આ સાથે, Jio Cloud PC માટે પણ સપોર્ટ છે. રિલાયન્સ જિયોએ તેની ઉપલબ્ધતા વિશે હજી કંઈ કહ્યું નથી, પરંતુ એવું કહેવામાં આવી રહ્યું છે કે દિવાળીના અવસર પર જિયો બુક ઉપલબ્ધ કરાવવામાં આવશે.
માઇક્રોસોફ્ટ એડ બ્રાઉઝર Jio બુકમાં પ્રી-ઇન્સ્ટોલ કરવામાં આવશે. આ સિવાય કેમેરા માટે શોર્ટકટ બાર પણ હશે. Jioનું બ્રાન્ડિંગ Jio બુકની પાછળની પેનલ પર છે.