12 C
Ahmedabad
Friday, January 28, 2022

પતંગના દોરાથી સૌથી વધુ ગળા અમદાવાદમાં કપાયા, 108 એમ્બ્યુલન્સને 1,203 ઈમરજન્સી કોલ મળ્યા

Must read

શુક્રવારે મકરસંક્રાંતિના અવસર પર ગુજરાતમાં પતંગ ઉડાડવાની ઘટનાઓમાં 60 થી વધુ લોકો ઘાયલ થયા હતા. એક અધિકારીએ જણાવ્યું કે બપોરે 12 વાગ્યા સુધી 108 ઈમરજન્સી એમ્બ્યુલન્સ સેવા 63 લોકોને હોસ્પિટલ લઈ ગઈ હતી. તેમાંના મોટા ભાગના રસ્તા પર જતા વાહન ચાલકો કે રાહદરીઓ હતા. જાહેર સ્થળોએ ખતરનાક રીતે પતંગના દોરાને કારણે તેમના ગળા અને ચહેરા પર ઘા થઈ ગયા હતા.અધિકારીએ કહ્યું કે હજુ સુધી કોઈના મોતના સમાચાર નથી.

એમ્બ્યુલન્સ સેવા દ્વારા જારી કરાયેલા નિવેદન મુજબ, પતંગ દોરાથી ઘાયલ થયેલા 63 લોકોમાંથી 21 કેસ એકલા અમદાવાદના છે. આ પછી વડોદરા અને રાજકોટ જિલ્લામાંથી સાત-સાત કેસ નોંધાયા છે. 108 એમ્બ્યુલન્સ સેવાને કુલ 1,203 ઈમરજન્સી કોલ મળ્યા હતા જ્યારે ગયા વર્ષે આવા 1,043 કોલ હતા. એમ્બ્યુલન્સ સેવાએ જણાવ્યું હતું કે સમગ્ર રાજ્યમાં 69 લોકો પતંગના દોરાઓથી ઘાયલ થવા ઉપરાંત તેમની છત અથવા ઊંચાઈ પરથી પડી ગયા હતા. આ ઘટનાઓ પતંગ ઉડતી વખતે કે પકડતી વખતે બની હતી.

નોંધપાત્ર વાત એ છે કે, કોરોનાના વધતા જતા સંક્રમણ અને મકરસંક્રાંતિને ધ્યાનમાં રાખીને, મુખ્યમંત્રી ભૂપેન્દ્ર પટેલે રોગચાળાની માર્ગદર્શિકા વધુ કડક બનાવવા માટે સૂચનાઓ જારી કરી હતી, જે અંતર્ગત મકરસંક્રાંતિ પર ઘરની છત પર ફક્ત તે મકાનમાં રહેતા લોકો જ પતંગ ઉડાવી શકશે.આ દરમિયાન ડીજે લાઉડ સ્પીકર વગેરે લગાવવા પર પણ પ્રતિબંધ મુકવામાં આવ્યો હતો.

મકરસંક્રાંતિના તહેવાર દરમિયાન, બહારના લોકોને પણ કોઈ સોસાયટી અને વિસ્તારમાં આમંત્રિત કરવામાં આવ્યા ન હતા. જેના કારણે હવે મહેમાનો પણ એકબીજાના પરિવારજનોની મુલાકાત લઈને પતંગોત્સવ ઉજવી શકતા નથી. સરકારના આ આદેશ બાદ લોકોમાં એવી ચર્ચા છે કે રાજકારણીઓની રેલી અને સભાઓમાં ડીજે અને લાઉડ સ્પીકરનો ભારે ઉપયોગ થાય છે, પરંતુ લોકોના તહેવારોમાં પણ લાઉડ સ્પીકર ડીજે વગાડવા પર પ્રતિબંધ મુકવામાં આવ્યો હતો.

- Advertisement -

More articles

- Advertisement -

Latest article