Royal Enfield તેની પરફોર્મન્સ બાઇક માટે વિશ્વભરમાં જાણીતી છે. હાલમાં જ કંપનીએ તેના ગ્રાહકોને એક ખરાબ સમાચાર આપ્યા છે. રોયલ એનફિલ્ડની એક લોકપ્રિય બાઈકમાં ટેક્નિકલ ખામી જોવા મળી છે, જેના કારણે હજારો બાઈક પરત મંગાવવી પડી છે. માહિતી અનુસાર, Royal Enfieldએ બ્રેકિંગ પ્રોબ્લેમના કારણે યુએસ માર્કેટમાંથી તેની પાવરફુલ બાઇક હિમાલયનનાં લગભગ 4,891 યુનિટ પાછા મંગાવવાની જાહેરાત કરી છે. આ સમસ્યા બાઇકમાં ઉપયોગમાં લેવાતા કેલિપર્સ સાથે સંબંધિત છે, જે શિયાળા દરમિયાન રસ્તા સાફ કરવા માટે વપરાતા મીઠાના સંપર્કમાં આવે ત્યારે કાટ લાગી શકે છે.
કંપનીએ આગળ અને પાછળના બ્રેક કેલિપર્સ બદલવા માટે અસરગ્રસ્ત મોટરસાઇકલોને સ્વેચ્છાએ પરત બોલાવી છે. આ સમસ્યા બ્રેક મારતી વખતે અસામાન્ય અવાજનું કારણ બની શકે છે, કેલિપર્સ પાસે સળગતી ગંધ અને મેન્યુઅલી બાઇકને આગળ ધકેલવામાં મુશ્કેલી આવી શકે છે. રોયલ એનફિલ્ડ માટે, બ્રેમ્બો નામનું બ્રાન્ડ બ્રેક કેલિપર્સ સપ્લાય કરે છે અને બોશ એબીએસ માટે કંપનીના બ્રેકિંગ ઘટકો પૂરા પાડે છે. યુએસ માર્કેટ માટે રિકોલની જાહેરાત કરવામાં આવી છે, પરંતુ કંપની ભવિષ્યમાં યુકે, યુરોપ, જાપાન અને દક્ષિણ કોરિયા જેવા તેના અન્ય વૈશ્વિક બજારોમાં પણ બાઇકને રિકોલ કરી શકે છે.
રોયા એનફિલ્ડ હિમાલયની વિશેષતાઓ
Royal Enfield Himalayan 411cc ફ્યુઅલ-ઇન્જેક્ટેડ એર-કૂલ્ડ સિંગલ-સિલિન્ડર એન્જિન સાથે આવે છે, જે 24.8PS પાવર અને 32Nm ટોર્ક ઉત્પન્ન કરે છે. આ બાઇક 5-સ્પીડ ટ્રાન્સમિશન સાથે જોડાયેલી છે. તે GPS સાથે ટર્ન-બાય-ટર્ન નેવિગેશન, ડિજિટલ હોકાયંત્ર, તાપમાન રીડઆઉટ, ગિયર ઈન્ડિકેટર, ઓડોમીટર અને ટ્રીપ મીટર રીડિંગ, ફ્યુઅલ ગેજ, ટેકોમીટર અને સ્પીડોમીટર જેવી સુવિધાઓ મેળવે છે.
અગાઉ 2020 માં, રોયલ એનફિલ્ડે યુકે, યુરોપ અને દક્ષિણ કોરિયામાં રોયલ એનફિલ્ડ હિમાલયન અને રોયલ એનફિલ્ડ 650 (કોંટિનેંટલ જીટી અને ઇન્ટરસેપ્ટર) ના 15,000 થી વધુ એકમો પાછા બોલાવ્યા હતા. જોકે, ભારતીય બજારમાં વેચાયેલા મોડલ્સમાં કોઈ સમસ્યા જોવા મળી નથી. US માર્કેટમાં Royal Enfield Himalayan ની કિંમત $5,449 છે, જે ભારતીય ચલણમાં અંદાજે 4.47 લાખ રૂપિયા છે.
