દિલ્હી હાઈકોર્ટના નિર્ણય બાદ દિલ્હી મ્યુનિસિપલ કોર્પોરેશનમાં સ્થાયી સમિતિના છ સભ્યોની ચૂંટણીનું પરિણામ જાહેર થઈ ગયું છે. સ્થાયી સમિતિની ચૂંટણીમાં આમ આદમી પાર્ટીના ત્રણ સભ્યો અને ભારતીય જનતા પાર્ટીના ત્રણ સભ્યોને વિજેતા જાહેર કરવામાં આવ્યા છે. આમ આદમી પાર્ટીના સભ્યો આમિલ મલિક, મોહિની જીનવાલ અને રામિંદર કૌર ચૂંટાયા છે. જ્યારે AAPની સારિકા ચૌધરી ચૂંટણી હારી ગઈ છે. ભારતીય જનતા પાર્ટી તરફથી કમલજીત સેહરાવત, ગજેન્દ્ર દરાલ અને ભૂતપૂર્વ મેયર પંકજ લુથરાને વિજેતા જાહેર કરવામાં આવ્યા છે.
