BJP બે પૂર્વ મંત્રીઓ એસટી સોમશેખર અને એ શિવરામ હેબ્બર પર પક્ષ વિરોધી પ્રવૃત્તિઓના આરોપો
BJP કર્ણાટક રાજકારણમાં એક મોટો ઘટસ્ફોટ થયો છે. ભારતીય જનતા પાર્ટી (ભાજપ)એ તેની એક કડક શિસ્તભંગની કાર્યવાહી હેઠળ બે ધારાસભ્યો — એસટી સોમશેખર અને એ શિવરામ હેબ્બરને પક્ષમાંથી છ વર્ષ માટે હાંકી કાઢ્યા છે. બંને ધારાસભ્યો અગાઉ ભાજપ સરકારમાં મંત્રી રહી ચૂક્યા છે અને હાલમાં વિધાનસભામાં યશવંતપુર અને યલાપુર ક્ષેત્રનું પ્રતિનિધિત્વ કરે છે.
ભાજપના કર્ણાટક એકમના પ્રમુખ બીવાય વિજયેન્દ્રએ જણાવ્યું કે આ પગલું પાર્ટી વિરોધી પ્રવૃત્તિઓના કારણે લેવામાં આવ્યું છે. પાર્ટી હાઈકમાન્ડે લાંબી વિચારણા બાદ આ નિર્ણય કર્યો છે.
પક્ષશિસ્તના ઉલ્લંઘન બદલ પગલું
પાર્ટીની કેન્દ્રીય શિસ્ત સમિતિના સચિવ ઓમ પાઠકે હેબ્બરને સત્તાવાર પત્ર પાઠવી જણાવ્યું કે 25 માર્ચે પાઠવાયેલી કારણદર્શક નોટિસના જવાબને આધારે, શિસ્તના વારંવાર ઉલ્લંઘન બદલ તેમને તાત્કાલિક અસરથી પક્ષના તમામ પદો અને પ્રાથમિક સભ્યપદમાંથી બહાર કરવામાં આવે છે.
આ પહેલા, માર્ચ 2025માં પણ પાર્ટી Dharwad Westના ધારાસભ્ય બસંગૌડા પાટિલ યત્નાલને પણ શિસ્તભંગના આરોપે છ વર્ષ માટે હાંકી કાઢી ચૂકી છે.
‘ઓપરેશન લોટસ’થી શરૂઆત અને હવે વિલગાવું
ગમ્મતની વાત એ છે કે, હેબ્બર અને સોમશેખર બંને 2019ના ‘ઓપરેશન લોટસ’ દરમિયાન કોંગ્રેસમાંથી ભાજપમાં જોડાયા હતા. ત્યારબાદ તેઓ ભાજપ સરકારમાં મંત્રી પણ બન્યા હતા. પરંતુ હવે, કોંગ્રેસ સરકાર સત્તામાં આવતા, બંને ફરીથી પાર્ટીથી દુર જતા જોવા મળ્યા છે.
આ કાર્યવાહીએ રાજ્યની રાજકીય ગરમાવો વધી રહ્યો છે અને આગામી ચૂંટણી અને ગઠબંધનો પર તેના અસરકારક પરિણામો પડવાની શક્યતા છે.
