ભારતની સરકારી વેબસાઈટ્સ બ્લોક કરી રહ્યું છે પાકિસ્તાન

ભારત-પાકિસ્તાનના વચ્ચેનો વિવાદ ઓછો થવાની કોઈ શક્યતા દેખાતી નથી. સરકારી અધિકારીના જણાવ્યા પ્રમાણે પાકિસ્તાને મે 2017 ભારતની બધી gov.in ડોમેન ધરાવતી વેબસાઇટ બ્લોક કરી રહ્યું છે. આ ઉપરાંત આગામી મહિને નવી દિલ્હી ખાતે યોજાનાર WTOની બેઠકમાંથી પણ પાકિસ્તાન પાછળ હટી ગયું છે.

સરકારી સૂત્રોના જણાવ્યા અનુસાર, પાકિસ્તાનમાં ભારત સરકારની વેબસાઈટ્સ નથી ખુલતી. ત્યારપછી સરકારે 5 વાર ડિપ્લોમેટિક ચેનલના માધ્યમથી આ વિષે પાકિસ્તાનને કહ્યું કે ભારત સરકારની કોઈ પણ વેબસાઈટ્સને બ્લોક કરવામાં ન આવે. આ બાબતે પહેલીવાર પાકિસ્તાનને 18મી મે 2017માં નોટિસ આપવામાં આવી હતી જ્યારે પાછલા અઠવાડિયે અંતિમ નોટિસ આપવામાં આવી છે.

ભારતીય અધિકારીઓના જણાવ્યા અનુસાર, પાકિસ્તાનમાં સ્થિત ભારતના એમ્બેસેડર્સ અને અધિકારી પોતાની જ સરકારી વેબસાઈટ્સ ન જોઈ શકે તે માટે પાકિસ્તાન આમ કરી રહ્યું છે. આ સિવાય પાકિસ્તાનમાં ભારતીય હાઈકમિશન પાસે એવી ઘણી ફરિયાદો આવી છે જેમાં કહેવામાં આવ્યું છે કે પાકિસ્તાની નાગરિક વેબસાઈટ પરથી વીઝા ફોર્મ ડાઉનલોડ નથી કરી શકતા.

એક ભારતીય અધિકારીએ જણાવ્યું કે, પાકિસ્તાનમાં એવા એજન્ટ્સની સંખ્યા ઝડપથી વધી રહી છે જે પ્રોક્સ સર્વરની મદદથી ત્યાંના નાગરિકોને વીઝા ફોર્મ ભરવામાં મદદ કરી રહ્યા છે. અધિકારીઓના જણાવ્યા અનુસાર, પાકિસ્તાનના આ નિર્ણયથી ત્યાં સ્થિત ભારતીય મિશનને કામ કરવામાં ઘણી મુશ્કેલીઓનો સામનો કરવો પડી રહ્યો છે.

સૂત્રોના જણાવ્યા અનુસાર, પાકિસ્તાને 19029 માર્ચના રોજ દિલ્હીમાં થનારી WTO મિનિસ્ટીરિયલ મીટિંગમાં શામેલ ન થવાનો નિર્ણય લીધો છે, જેનાથી રાજકીય વિવાદ વધી શકે છે. આ બેઠક માટે ભારતે પાકિસ્તાનના વાણિજ્ય મંત્રી પરવેઝ મલિકને આમંત્રણ મોકલ્યુ હતું. પહેલા મલિકે આ મીટિંગમાં શામેલ થવા માટે સહમતી વ્યક્ત કરી હતી.

રાજકીય વિવાદ પર ભારતે શુક્રવારના રોજ કહ્યું કે, તેમણે પાકિસ્તાનને ભારતના અધિકારીઓને પરેશાન કરવા બાબતે 7-8 વાર નોટિસ મોકલી છે. તેના જવાબમાં પાકિસ્તાને પણ આરોપ મુક્યો છે કે ભારતમાં પાકિસ્તાનના અધિકારીઓનો પીછો કરવામાં આવી રહ્યો છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com