પ્રણિત મોરેને બિગ બોસ ૧૯ માંથી અચાનક બહાર કેમ થવું પડ્યું? જાણો સંપૂર્ણ વિગત

પ્રણિત મોરેની બિગ બોસ 19 માંથી વિદાય: ડેન્ગ્યુને કારણે બહાર, ક્યારે થશે વાપસી?

બિગ બોસની 19મી સિઝનમાં ઘણા એવા સ્પર્ધકો છે જેમણે દર્શકોના દિલમાં જગ્યા બનાવી છે અને ઘરના સભ્યો સાથે પણ તેમનો સારો સંબંધ છે. તેમાંથી એક નામ પ્રણિત મોરેનું છે, પરંતુ સ્વાસ્થ્ય સમસ્યાને કારણે તે હવે ઘરની બહાર જઈ રહ્યા છે.

વિવાદાસ્પદ રિયાલિટી શો ‘બિગ બોસ 19’ના ઘરમાંથી એક ચોંકાવનારી ખબર સામે આવી છે. આ સિઝનના સૌથી મજેદાર અને ચર્ચિત સ્પર્ધક પ્રણિત મોરેને ડેન્ગ્યુ થઈ ગયો છે. તબિયત બગડ્યા પછી તેમને તાત્કાલિક તબીબી સારવાર માટે બિગ બોસના ઘરમાંથી હાલ પૂરતા બહાર કાઢી દેવામાં આવ્યા છે. સૂત્રો દ્વારા મળેલી માહિતી અનુસાર, છેલ્લા કેટલાક દિવસોથી પ્રણિતને બેચેની અનુભવાઈ રહી હતી, ત્યારબાદ શોની પ્રોડક્શન ટીમે તેમના સ્વાસ્થ્યને ધ્યાનમાં રાખીને આ નિર્ણય લીધો.

પ્રણિત મોરે તેની નિખાલસ પર્સનાલિટી, હાજરજવાબી અને જબરદસ્ત કોમેડી ટાઈમિંગ માટે જાણીતા છે. તેમના ઘરની બહાર જવાથી ચાહકો નિરાશ થઈ ગયા છે અને સોશિયલ મીડિયા પર તેમના ઝડપી સ્વસ્થ થવા માટે શુભેચ્છાઓનો ધોધ વહેવા લાગ્યો છે. પ્રણિતે પોતાની મજેદાર વાતોથી આ સિઝનને મનોરંજક અને હળવી-ફૂલ બનાવી રાખી હતી. જ્યારે પણ ઘરમાં માહોલ ગરમાતો હતો, ત્યારે પ્રણિત અવારનવાર પોતાના જોક્સ કે સમજદારીભરી વાતોથી તણાવ ઓછો કરી દેતા હતા, જે દર્શકોને ખૂબ પસંદ આવતું હતું. તેમની આ જ સરળતા અને સાચી પર્સનાલિટીએ તેમને દર્શકો સાથે જોડ્યા.

રશ્મિ દેસાઈના ભૂતપૂર્વ પતિએ કરી સગાઈ,જાણો કોણ છે તેની લાઈફ પાર્ટનર

ગુરચરણ સિંહની વાપસી! ‘તારક મહેતા…’ના જૂના ‘સોઢી’ને મળ્યો નવો પ્રોજેક્ટ, બોલ્યા- જલ્દી આપીશ ગુડ ન્યૂઝ

મસ્તીભર્યો છે પ્રણિતનો અંદાજ

મિત્રતા-દુશ્મની રહી ચર્ચામાં: ઘરની અંદર પ્રણિતે કેટલાક સ્પર્ધકો સાથે ગાઢ મિત્રતા બનાવી. અભિષેક બજાજ અને અશનૂર કૌર સાથે તેમની બોન્ડિંગ ખૂબ સારી હતી. ગૌરવ ખન્નાને તે પોતાનો ભાઈ માનવા લાગ્યા હતા. આ બધાની મસ્તી અને સાથે દર્શકોનું ખૂબ મનોરંજન કર્યું. વળી, બીજી તરફ બસીર અલી અને જીશાન કાદરી સાથેની તેમની પ્રતિદ્વંદિતા પણ શોમાં ખૂબ ડ્રામા લઈને આવી, જેણે ટીઆરપી મેળવી.

ઘરમાં થઈ શકે છે વાપસી

હાલમાં, પ્રણિતના બહાર જવાથી ચાહકો નિરાશ છે, પરંતુ સૂત્રો દ્વારા મળેલી માહિતી અનુસાર, સંપૂર્ણપણે સ્વસ્થ થતાં જ અને ડોક્ટરો તરફથી ગ્રીન સિગ્નલ મળતાં જ પ્રણિત મોરેની બિગ બોસ 19ના ઘરમાં વાપસી થશે. ચાહકો આતુરતાથી રાહ જોઈ રહ્યા છે કે તેમના પ્રિય સ્પર્ધક જલ્દી જ પોતાની જૂની એનર્જી અને ધારદાર ‘વન-લાઈનર્સ’ સાથે ઘરમાં ધમાકેદાર વાપસી કરે. જોકે, હાલમાં પ્રણિત પોતાની તબિયત પર ધ્યાન આપવા માંગે છે અને વાપસી વિશે તેમણે કંઈ વિચાર્યું નથી.