વૈશ્વિક વાહન નિર્માતા સ્કોડા (SKODA) ભારતીય બજારમાં ઝડપી વૃદ્ધિની અપેક્ષા રાખે છે, જે 2022 માં કંપની માટે ટોચના-3 વૈશ્વિક બજારોમાંનું એક બની ગયું છે. કંપનીના એક વરિષ્ઠ અધિકારીએ જણાવ્યું કે તેઓ આ માર્કેટમાં ઇલેક્ટ્રિક વાહનો લાવવાની યોજના ધરાવે છે. આ ઉપરાંત ભવિષ્યમાં અહીં સ્થાનિક ઉત્પાદન પર પણ વિચાર કરવામાં આવશે. સ્કોડા ઓટો ઈન્ડિયાએ 2022માં 57,721 એકમોનું વેચાણ કર્યું હતું જે 2021માં વેચાયેલા 23,858 વાહનો કરતાં બમણા કરતાં વધુ છે. કંપની આ વર્ષે ભારતમાં બે આંકડામાં વૃદ્ધિની અપેક્ષા રાખી રહી છે.
સ્કોડા ઓટો ઈન્ડિયાના બ્રાન્ડ ડિરેક્ટર પીટર સાલ્કે ‘ઓનલાઈન’ વાતચીતમાં જણાવ્યું હતું કે કંપની આગામી નાણાકીય વર્ષમાં સ્કોડાની પ્રથમ ઇલેક્ટ્રિક SUV Enyaq iV 80xને સંપૂર્ણ રીતે ઉત્પાદિત એકમ (CBU) તરીકે અહીં રજૂ કરવાની યોજના ધરાવે છે.
Skoda અનુસાર, Enyaq iV 80x SUV 6.9 સેકન્ડમાં 0 થી 100 kmphની ઝડપ પકડી શકે છે. તે એક જ ચાર્જ પર 513 કિમી સુધીની WLTP-રેટેડ રેન્જ આપી શકે છે. Skoda Enyaq iV સમગ્ર વિશ્વમાં રિયર-વ્હીલ ડ્રાઇવ અને ઓલ-વ્હીલ ડ્રાઇવ બંને કન્ફિગરેશનમાં ઓફર કરવામાં આવે છે. ફિચર્સ લિસ્ટમાં ડિજિટલ ઇન્સ્ટ્રુમેન્ટ ક્લસ્ટર, લેધર રેપ્ડ સ્ટીયરિંગ વ્હીલ, Apple CarPlay અને Android Auto સપોર્ટ સાથે 13-ઇંચની ટચસ્ક્રીન ઇન્ફોટેનમેન્ટ સિસ્ટમ, 19-ઇંચના એલોય વ્હીલ્સનો સમાવેશ થાય છે.
સાલ્કે જણાવ્યું હતું કે 2023 માટે કંપની વધુ ઉત્પાદનો સાથે ઝડપી વૃદ્ધિના માર્ગ પર રહેશે અને આગળનો માર્ગ ગયા વર્ષની સફળતાના આધારે નિર્માણ કરવાનો રહેશે. તેમણે કહ્યું, “ભારત વૈશ્વિક સ્તરે સ્કોડા ઓટો માટે ટોચના ત્રણ બજારોમાંનું એક છે. તે યુરોપની બહાર કંપની માટે સૌથી મોટું બજાર છે.” કંપની માટે અન્ય ટોચના બજારો જર્મની અને ચેક રિપબ્લિક છે.
