સીરિયાઃ મરતા પહેલાં માસૂમ બાળકે કહ્યું “ભગવાનને તમારી ફરિયાદ કરીશ”

છેલ્લા 10 દિવસથી સીરિયાના પૂર્વી ઘૌટામાં બોમ્બમારો થઇ રહ્યો છે, જેને પગલે અત્યાર સુધીમાં 600 લોકો મૃત્યુ પામ્યા છે અને હજારો લોકોએ પોતાનું ઘર છોડી ભાગી જવાની ફરજ પડી છે. આવી આફતોમાં માસૂમ બાળકો સૌથી વધુ મોતના શિકાર બની રહ્યાં છે. યૂએનની એક રિપોર્ટ મુજબ, વિદ્રોહિઓ અને સીરિયાઇ આર્મી વચ્ચે થઇ રહેલી લડાઇને પગલે 90 ટકા બિલ્ડિંગ્સ ધરાશય થઇ ગઇ છે. આ બોમ્બમારા વચ્ચે એક માસૂમ બાળકે મરતા પહેલાં કહેલી વાત આપણી આંખોમાં આંસુ લાવી દે તેવી છે.
સીરિયામાં થઇ રહેલા હુમલામાં ત્રણ વર્ષીય એક ઘાયલ બાળકને હોસ્પિટલે લાવવામાં આવ્યું. ડૉક્ટર્સ જ્યારે તેનો ઇલાજ કરી રહ્યા હતા તે પોતાના દર્દથી નહીં પણ રોજબરોજ થતા હુમલાથી પરેશાન હતું. માસૂમ બાળકે ડૉક્ટરસ્ને કહ્યું કે, ‘હું ભગવાનને તમારી ફરિયાદ કરીશ. હું એમને બધું કહી દઇશ.’ જો કે માસૂમનો જીવ બચાવવામાં ડૉક્ટર્સ નાકામિયાબ રહ્યા અને તે સૌથીને છોડીને જતું રહ્યું.
ડૉક્ટરે કહ્યું કે, ‘બાળક જ્યારે રડતાં-રડતાં ભગવાનને ફરિયાદ કરવાની વાત કહી રહ્યું હતું ત્યારે જ અચાનક એના દિલના ધબકારા બંધ થઇ ગયા, પણ જે સચ્ચાઇ એણે કહેવી હતી તે કહીને જતો રહ્યો.’ બાળકને હોસ્પિટલે લાવવામાં આવ્યો ત્યારે તે લોહીથી લથપત હાલતમાં હતો અને આંતરિક ઇજા એટલી ગંભીર હતી કે બાળક તેને સહન નહોતું કરી શકતું.
સીરિયાઇ આંતરિક યુદ્ધને પગલે અત્યાર સુધીમાં હજારો લોકોએ જીવ ગુમાવ્યા છે પણ આ અઠવાડિયે થયેલા મૃત્યુનો આંકડો સૌથી વધુ છે. યૂએનના વિરોધ બાદ પણ રશિયા હવાઇ હુમલા રોકવામાં નિષ્ફળ રહ્યું છે. પૂર્વ ઘૌટા સહિત સીરિયાઇ રાજધાની દમિશ્ક અે તેની આસપાસના વિસ્તારોમાં સતત હુમલા થઇ રહ્યા છે. આવા હુમલામાં સૌથી વધુ સ્કૂલ, હોસ્પિટલ અને દુકાનોને નિશાન બનાવવામાં આવે છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com