18 માર્ચે નહીં મળે ઓલા-ઉબરની ટેક્સી, ડ્રાઈવરો પાડશે હડતાળ

એપ દ્વારા ટેક્સી સેવા આપતી કંપનીઓ ઓલા અને ઉબરના ડ્રાઈવરોએ હડતાળ પર જવાની જાહેરાત કરી છે. આવતા રવિવારે એટલે કે 18મી માર્ચે કેબ ચાલકો એવું કરશે કે જેથી લોકોને ઘણી મુશ્કેલીઓનો સામનો કરવો પડી શકે છે.
ઓલા-ઉબરના ડ્રાઈવરોના હડતાળ પર જવાથી આ બંને કંપનીઓની બધી સેવાઓ પર અસર પડવાની શક્યતા છે. તેને પગલે ખાસ કરીને મેટ્રો શહેરોમાં રહેતા લોકોને ઓફિસ, બસ સ્ટેન્ડ, એરપોર્ટ અને અન્ય જરૂરી કામો માટે આવવા-જવામાં મુશ્કેલી પડી શકે છે. કેબ ચાલકોનું કહેવું છે કે, તે સોમવારે સવારથી જ પોતાની ડિવાઈસ બંધ કરી દેશે. આ દરમિયાન માત્ર કંપની દ્વારા ચલાવાતી કેબ જ લોકો માટે ઉપલબ્ધ રહેશે, જેની સંખ્યા ઘણી ઓછી છે.
જે શહેરોમાં આ હડતાળની સૌથી વધુ અસર પડશે, તેમાં દિલ્હી-એનસીઆર, મુંબઈ, પુના, બેંગલુરુ, ગુડગાંવ, કોલકાતા, ચેન્નઈ, હૈદરાબાદ સહિત અન્ય શહેરો સામેલ છે. અમદાવાદ જેવા શહેરોમાં પણ હવે મોટા પ્રમાણમાં લોકો ઓલા-ઉબરનો ઉપયોગ કરતા થયા છે. ત્યારે અહીં પણ તેની અસર જોવા મળી શકે છે. આ શહેરોમાં મોટાભાગે લોકો ઓફિસ જવા-આવવા માટે આ કંપનીઓની કેબનો ઉપયોગ કરે છે. ડ્રાઈવરોનું કહેવું છે કે, રવિવારે ઓલા-ઉબરની ઓફિસ બહાર પરિવાર સાથે પ્રદર્શન પણ કરશે.
ડ્રાઈવરોનું કહેવું છે કે, તેમની આવક સતત ઘટી રહી છે. આ કંપનીઓના ડ્રાઈવર યુનિયની મુખ્ય માગ છે કે, પહેલાની જેમ તેમને મહિને ઓછામાં ઓછા 1.25 લાખ રૂપિયાની કમાણી થવી જોઈએ. બીજું કે, કંપની પોતાના દ્વારા ચલાવાતી કેબ બંધ કરી દે. તેમની ત્રીજી માગ છે કે, એ ડ્રાઈવરોને ફરીથી કામ પર રાખવામાં આવે કે જેમને કસ્ટમરોએ ઓછું રેટિંગ આપ્યું છે. તેમની ચોથી માગ એવી છે કે, ગાડીની કોસ્ટ મુજબ ભાડું નક્ક કરવામાં આવે અને પાંચમી માગણી છે કે, ઓછા ભાડા પર બુકિંગને બંધ કરી દેવામાં આવે.
ઓલા દેશના 110 શહેરોમાં પોતાની સર્વિસ આપે છે, તો ઉબર 25 શહેરોમાં ચાલે છે. ઓલા દ્વારા રોજ લગભગ 20 લાખ લોકો મુસાફરી કરે છે, જયારે 10 લાખો લોકો રોજ ઉબરની ટેક્સીનો ઉપયોગ કરે છે.
ઓલાએ ડ્રાઈવરોની હડતાળ પર કંઈપણ કહેવાનો ઈનકાર કરી દીધો. જ્યારે ઉબરના પ્રવક્તાએ હડતાળને અવ્યવહારુ જણાવી હતી.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com