2018 હ્યુન્ડાઈ ક્રેટા SUVનું ફેસલિફ્ટ મોડલ લોન્ચ

હ્યુન્ડાઈએ આખરે ક્રેટા એસયુવીનું ફેસલિફ્ટ મોડલ ભારતમાં લોન્ચ કરી દીધું છે, જેની લાંબા સમયથી રાહ જોવાતી હતી. તેના પેટ્રોલ વેરિયન્ટની ભારતમાં એક્સ શોરૂમ કિંમત 9.43 લાખ રૂપિયા રાખવામાં આવી છે. તેના ડીઝલ વેરિયન્ટની આરંભિક કિંમત 9.99 લાખ રૂપિયા છે. દેશમાં કંપનીની ઘણી ડીલરશિપ્સ પર પહેલેથી જ બુકિંગ્સ ઓપન થઈ ચૂક્યાં છે. ફેસલિફ્ટ મોડલ હોવાને કારણે તેમાં નવાં ફીચર્સ અને અપડેટ્સ જોવા મળશે. તે દેખાવમાં એવી જ છે, જેવી ગયા વર્ષે બ્રાઝિલના એક ઇન્ટરનેશનલ ઓટો શોમાં રજૂ કરાઈ હતી. તસવીરમાં જુઓ અલગ અલગ વેરિયન્ટ્સનું પ્રાઇસ લિસ્ટ. ક્રેટા ફેસલિફ્ટના ફ્રન્ટમાં જોઈએ તો તેમાં એક મોટી ગ્રિલ આપવામાં આવી છે અને તેના બમ્પરને ફરીથી ડિઝાઇન કરવામાં આવ્યું છે, જે તેને પહોળો લુક આપે છે. ફોગ લેમ્પ્સ હવે હોરિજોન્ટલ છે. જૂના મોડલમાં તે વર્ટિકલ હતા. જૂના મોડલની સરખામણીએ આ નવા મોડલનો ફ્રન્ટ લુક વધુ બોલ્ડ છે અને તેમાં ક્રોમ ટ્રીટમેન્ટ પણ છે. ગાડીની સાઇઝ અને રિયર પ્રોફાઇલને લગભગ સરખા રાખવામાં આવ્યા છે. રિયર બમ્પરને અપડેટ કરવામાં આવ્યા છે. વ્હિલ ડિઝાઇનને પણ અપડેટ કરવામાં આવ્યાં છે. કેબિનની અંદર જોઈએ તો ક્રેટા ફેસલિફ્ટના આ મોડલમાં ડ્યુઅલ ટોન લેઆઉટ આપવામાં આવ્યા છે. તેમાં સાત ઇંચ ઇન્ફોટેનમેન્ટ સિસ્ટમ છે, જે ઑક્સ, યુએસબી, જીપીએસ અને બ્લૂટૂથ કનેક્ટિવિટીને સપોર્ટ કરે છે. ટોપ એન્ડ વેરિયન્ટમાં પેનોરેમિક સનરુફ પણ છે.
ફીચર્સની વાત કરીએ તો 2018 હ્યુન્ડાઈ ક્રેટા ફેસલિફ્ટ એસયુવીમાં ક્રૂઝ કન્ટ્રોલ, વાયરલેસ ચાર્જિંગ, ઇલેક્ટ્રિક સનરુફ એમ છ પ્રકારની ઇલેક્ટ્રિકલી એજસ્ટ થનારી ડ્રાઇવર સીટ અને વિયરેબલ સ્માર્ટ કી પણ છે. ગાડીમાં 1.4 લિટર પેટ્રોલ, 1.6 લિટર પેટ્રોલ અને ડીઝલના ઑપ્શન્સ યથાવત્ છે. આ સાથે અર્થ બ્રાઉન અને મિસ્ટિક બ્લૂ બોડી કલર્સને પેશન ઑરેન્જ અને મરીના બ્લૂ સાથે રિપ્લેસ કરવામાં આવ્યા છે. પોલર વાઇટ અને પેશન ઑરેન્જને બ્લેક રૂફ સાથે ડ્યુઅલ ટોન ઑપ્શન છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com