મહિલા શક્તિ સંભાળશે ભોપાલ-બિલાસપુર એક્સપ્રેસની કમાન

આજે આંતરરાષ્ટ્રીય મહિલા દિવસ નિમિત્તે ભોપાલ-બિલાસપુર એક્સપ્રેસની કમાન મહિલાઓ સંભાળશે. એટલે કે આ ટ્રેનમાં લોકો પાયલટ, સહાયક લોકો પાયલટ, ગાર્ડથી લઇને ચેકિંગ સ્ટાફ અને યાત્રીઓની સુરક્ષાની જવાબદારી આરપીએફ મહિલા ટીમના માથે હશે. ભોપાલ રેલ મંડળ અને જબલપુર ઝોનના ઇતિહાસમાં આ પહેલી વખત બની રહ્યું છે જેમાં ટ્રેનનો આખો સ્ટાફ મહિલા કર્મચારીઓનો જ હોય.
રેલવેમાં મહિલા સશક્તિકરણના ઉદ્દેશ્યથી આ પહેલ કરવામાં આવી રહી છે. મહિલા સ્ટાફ આ ટ્રેનને ભોપાલથી બીના સ્ટેશન સુધી લઇ જશે અને ત્યાંથી ભોપાલ પરત લાવશે. સામાન્ય રીતે ટ્રેન ઑપરેટિંગની સંપૂર્ણ જવાબદારી મહિલાઓને આપવામાં નથી આવતી હોતી. ભોપાલ રેલ મંડળની પહેલી મહિલા લોકો પાયલટ નૂતન હશે. કુમારી સંગીતા સહાયક લોકો પાયલટ જ્યારે ગાર્ડ વંદના ચતુર્વેદી હશે. ઉપરાંત પ્રવાસીઓની સુરક્ષા માટે આરપીએફ મહિલા સબ ઇન્સ્પેક્ટર સંધ્યા રાવત, કોન્સ્ટેબલ જ્યોતિ યાદવ અને ગતી રસ્તોગી પણ હશે. ટિકિટ ચેકિંગ માટે જહાંઆરા અને કુમારી ગીતા યાદવ હશે. ટ્રેનમાં ટેક્નિકલ સહાયતા માટે સહાયક એન્જીનિયર સ્મૃતિ રાવ અને સહાયક વિદ્યુત એન્જિીનિયર કાવેરી ગુપ્તા હશે. આ મહિલા કર્મચારીઓ પણ ભોપાલ રેલ મંડળની જ છે. ડીઆરએમ શોભના ચૌધરીએ જણાવ્યું કે 8 માર્ચે આંતરરાષ્ટ્રીય મહિલા દિવસ નિમિત્તે મહિલા સશક્તિકરણના ઉદ્દેશ્યથી કંઇકને કંઇક પહલ કરવામાં આવી રહી છે. મહિલા દિવસ નિમિત્તે મધ્યપ્રદેશના સીએમ શિવરાજ સિંહ ચૌહાણ ભોપાલ રેલ મંડળની 9 મહિલા કર્મચારીઓનું સમ્માન કર્યું. જ્યારે અન્ય 33 મહિલા કર્મચારીઓનું ડીઆરએમ શોભના ચૌધરી સમ્માન કરશે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com