પિતા બનવાની તાકાત છીનવી શકે છે આ પેઇનકિલર ટેબ્લેટ

પ્રજનન ક્ષમતા પર થાય છે અસર
આઈબૂપ્રોફેન પેઇનકિલરના સેવન અંગે એક રિસર્ચમાં ચોંકાવનારો ખુલાસો કરવામાં આવ્યો છે. હાલમાં જ કોપનહેગેનમાં કરવામાં આવેલી એક શોધમાં કહેવામાં આવ્યું છે કે, ટૂંકા અંતર માટે પણ એક દિવસમાં છ આઈબૂપ્રોફેન પેઇનકિલર ખાનારા પુરુષોની ફર્ટિલિટી પર ખરાબ અસર પડે છે.
રિસર્ચમાં જણાવાયું છે કે, છ અઠવાડિયાં સુધી આવું કરનારા પુરુષોની પ્રજનન ક્ષમતાને અસર કરે છે, ઉપરાંત તેનાથી તેમના સેક્સ્યુઅલ પર્ફોર્મન્સ પર પણ અસર પડે છે. રિસર્ચર્સનું કહેવું છે કે, આઈબૂપ્રોફેન પેઇનકિલર સેક્સ હોર્મોન્સના પ્રોડક્શનને અસર કરવાની સાથે સાથે પુરુષોમાં ઇરેક્ટાઇલ ડિસફંક્શનની સમસ્યાનું પણ કારણ બને છે.
આ અભ્યાસમાં 18થી 35 વર્ષ સુધીના યુવાનોનો સમાવેશ કરવામાં આવ્યો હતો. કોપનહેગનમાં કરવામાં આવેલા અભ્યાસમાં સામેલ લોકોને છ અઠવાડિયાં માટે 3-3 ટેબલેટ્સ દિવસમાં બે વાર ખાવા આપી હતી. આ દરમિયાન શોધકર્તાઓએ તેમની વૃષણ કોશિકાઓમાં પેનકિલરની અસરોનો અભ્યાસ કર્યો અને જોયું કે તેનાથી રિસર્ચમાં સામેલ લોકોમાં સેક્સ્યુઅલ હોર્મોનમાં અસંતુલન સંબંધિત વિકાર જોવા મળ્યા.
તેમણે તેને હાઈપોગોનેડિજ્મ નામ આપ્યું છે. હાઈપોગોનેડિજ્મ એક એવી અવસ્થા છે, જે ટેસ્ટોસ્ટેરોન પ્રોડક્શનને રેગ્યુલેટ કરનારા સેક્સ હોર્મોન્સ પર ખરાબ અસર પાડે છે. શોધમાં એમ પણ કહેવામાં આવ્યું છે કે, જ્યારે તેમણે પેઇનકિલર્સનો ઉપયોગ બંધ કરી દીધો ત્યારે તેમણે પોતાને આ સમસ્યામાંથી સરળતાથી બહાર કાઢ્યા.
લૉઅર લેવલ ટેસ્ટોસ્ટેરોન ધરાવતા પુરુષોમાં ઇન્ફર્ટિલિટી અને ઇરેક્ટાઇલ ડિસફંક્શન જેવી સમસ્યાઓ સામે આવે છે. આ સિવાય પણ તેમનામાં ઘણા પ્રકારનાં શારીરિક લક્ષણ હોય છે. આ કારણે તેમના મસલ્સ અને બોડી હેયર્સમાં ઘટાડો આવે છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

WP Twitter Auto Publish Powered By : XYZScripts.com