બાળકથી લઈને વૃદ્ધ સુધી સૌની લોકપ્રિય છે આ બિસ્કિટ, પરંતુ નામમાં લાગેલા Gનો અર્થ તમને ખબર છે?

0
103

Parle-G Meaning: દેશભરમાં ભાગ્યે જ કોઈ બાળક કે વૃદ્ધ હશે જેણે પારલે-જી બિસ્કિટ ન ખાધા હોય. ખાસ કરીને બાળપણમાં આ બિસ્કીટ બાળકોનું એકદમ ફેવરિટ હોય છે. એવું કહી શકાય કે બિસ્કીટની ચર્ચા થશે તો લોકોની જીભ પર પાર્લે-જી (Parle-G) સૌથી પહેલા આવશે. 90ના દાયકાના બાળકોને તેમનો એ યુગ યાદ હશે, જ્યારે ચા સાથે પાર્લે-જીનું કોમ્બિનેશન ફેમસ હતું.

પારલે-જીની જાહેરાત પણ તે સમયે ખૂબ જ લોકપ્રિય હતી. તમે તેના પેકેટ પર છપાયેલી છોકરીની તસવીર વિશે તો ઘણી વાતો સાંભળી હશે, પરંતુ શું તમે જાણો છો કે બિસ્કિટના રેપર પર લખેલા Gનો અર્થ શું છે.પારલે જી પાછળની કહાનીજો તમારે પાર્લે-જીનો ઈતિહાસ જાણવો હોય તો આઝાદી પહેલાની વાત કરવી પડશે, કારણ કે આ કંપની 1929થી આ પ્રોડક્ટ બનાવી રહી છે. જોકે પહેલા તેનું નામ કંઈક બીજું હતું.

આઝાદી પહેલા પારલે-જી (Parle-G) નું નામ ગ્લુકો બિસ્કીટ (Gluco Biscuit) હતું. તમને જાણીને નવાઈ લાગશે કે તે બીજા વિશ્વ યુદ્ધ (Second Wordl War) દરમિયાન ભારતીય અને બ્રિટિશ સૈનિકો બંનેમાં લોકપ્રિય હતું. પરંતુ આઝાદી બાદ ગ્લુકો બિસ્કીટનું ઉત્પાદન બંધ કરી દેવામાં આવ્યું હતું. વાસ્તવમાં તેને બનાવવામાં ઘઉંનો ઉપયોગ કરવામાં આવતો હતો અને તે સમયે દેશમાં ખાદ્ય સંકટ હતું, જેના કારણે તેનું ઉત્પાદન બંધ કરવું પડ્યું હતું.બ્રિટાનિયાએ કબ્જો જમાવ્યોપારલે-જી બંધ થયા પછી ભારતીય બજારમાં અન્ય કંપનીઓ વચ્ચે કોમ્પિટિશન વધવા લાગી.

ખાસ કરીને તે સમયે બ્રિટાનિયાએ ગ્લુકોઝ-ડી બિસ્કિટ લોન્ચ કર્યા હતા અને કંપની સમગ્ર માર્કેટને કબજે કરવાનો પ્રયાસ કરી રહી હતી. તે જ સમયે ગ્લુકો બિસ્કીટ ફરીથી લોન્ચ કરવામાં આવ્યું હતું.પારલે જીની છોકરી અને G નો અર્થલોન્ચિંગ સમયે તેનું નામ પારલે-જી રાખવામાં આવ્યું હતું અને કવર પર એક નાની છોકરીનો ફોટો પણ મૂકવામાં આવ્યો હતો.

એવું કહેવાય છે કે પારલે નામ મુંબઈના વિલે-પાર્લે વિસ્તારમાંથી લેવામાં આવ્યું હતું. જ્યાં તેની ફેક્ટરી હતી. તે જ સમયે પારલે-જીમાં ‘જી’ નો અર્થ ‘ગ્લુકોઝ’ થાય છે. હકીકતમાં પારલે-જી એ ગ્લુકોઝનું બિસ્કિટ છે. જો કે કંપનીએ વર્ષ 2000માં તેનું નામ બદલી નાખ્યું અને ‘G’ એટલે કે ‘જીનિયસ’ને પ્રમોટ કરવામાં આવ્યું.