વર્લ્ડ કપ માટે ભારતીય ક્રિકેટ ટીમ માટે નવી જર્સી લોન્ચ કરવામાં આવી છે. ટીમ ઈન્ડિયાના સત્તાવાર કિટ સ્પોન્સર એડિડાસે બુધવારે (20 સપ્ટેમ્બર) એક વીડિયો શેર કર્યો હતો. જેમાં કેપ્ટન રોહિત શર્માની સાથે દિગ્ગજ બેટ્સમેન વિરાટ કોહલી, વાઇસ કેપ્ટન હાર્દિક પંડ્યા, મોહમ્મદ સિરાજ અને અન્ય ઘણા ખેલાડીઓ જોવા મળ્યા હતા. ભારતમાં 5 ઓક્ટોબરથી વર્લ્ડ કપનું આયોજન થવાનું છે. ફાઇનલ મેચ 19 નવેમ્બરે રમાશે.
બહુપ્રતિક્ષિત જર્સી પ્રખ્યાત ભારતીય ગાયક રફ્તાર દ્વારા ગાયું ગીત ‘3 કા ડ્રીમ’ દ્વારા રિલીઝ કરવામાં આવી હતી. એડિડાસના મતે, જર્સી ભારતીય ટીમ પ્રત્યેના અતૂટ સમર્થનનો પુરાવો છે. ‘3નું ડ્રીમ’ એ લાખો ચાહકોનું પ્રતીક છે જેઓ તેમની ટીમને 1983 અને 2011 પછી તેમનો ત્રીજો ODI વર્લ્ડ કપ જીતતા જોવાનું સ્વપ્ન જુએ છે.
1983 – the spark. 2011 – the glory.
2023 – the dream.
Impossible nahi yeh sapna, #3kaDream hai apna.@adidas pic.twitter.com/PC5cW7YhyQ— BCCI (@BCCI) September 20, 2023
જર્સી પર ત્રિરંગાના બે સ્ટાર અને ત્રણ રંગો
એડિડાસે જર્સીમાં ફેરફાર કર્યા છે. તેણે ખભા પરની પોતાની ત્રણ સફેદ પટ્ટાઓને ત્રિરંગાના ત્રણ રંગોથી બદલી નાખી છે. છાતીની ડાબી બાજુએ BCCI લોગોમાં હવે બે સ્ટાર છે, જે ભારતની ODI વર્લ્ડ કપ જીતનું પ્રતીક છે.
ભારતની પ્રથમ મેચ ઓસ્ટ્રેલિયા સામે થશે
ભારતીય ટીમ 8 ઓક્ટોબરે ચેન્નાઈમાં ઓસ્ટ્રેલિયા સામે વર્લ્ડ કપમાં પોતાના અભિયાનની શરૂઆત કરશે. ટીમ ઈન્ડિયા 14 ઓક્ટોબરે અમદાવાદમાં પાકિસ્તાન સામે રમશે. વર્લ્ડ કપ પહેલા ભારતીય ટીમ ઓસ્ટ્રેલિયા સામે ત્રણ મેચની વનડે સિરીઝ રમશે.
વર્લ્ડ કપ માટે ભારતીય ટીમ
રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, કુલદીપ યાદવ, મોહમ્મદ શમી, અક્ષર પટેલ, ઈશાન કિશન. સૂર્યકુમાર યાદવ.
