વલસાડ જિલ્લા કલેક્ટર ભવ્ય વર્માના અધ્યક્ષસ્થાને જિલ્લા પરીક્ષા સમિતિની બેઠક યોજાઈ હતી. જેમાં ધોરણ 10 અને 12ની બોર્ડ પરીક્ષાઓને નિષ્પક્ષ અને શાંતિપૂર્ણ માહોલમાં પૂર્ણ કરવા માટે વિસ્તૃત ચર્ચા કરવામાં આવી હતી.

વિદ્યાર્થીઓને પરીક્ષા કેન્દ્ર શોધવામાં તકલીફ ન પડે તે માટે કલેક્ટરશ્રીએ QR કોડ પુસ્તિકાનું અનાવરણ કર્યું છે. આ QR કોડ સ્કેન કરતા જ વિદ્યાર્થીને તેના પરીક્ષા કેન્દ્રનું ચોક્કસ લોકેશન મળી જશે. આ કોડ દરેક શાળાના નોટિસ બોર્ડ પર પણ મૂકવામાં આવશે.

પરીક્ષા કેન્દ્રોની આસપાસ કલમ-144 (હવે ભારતીય નાગરિક સુરક્ષા સંહિતા મુજબ) અમલમાં રહેશે. આ ઉપરાંત પરીક્ષા દરમિયાન સતત વીજ પુરવઠો, પીવાનું પાણી, એસ.ટી. બસની સુવિધા અને આરોગ્ય ટીમની હાજરી સુનિશ્ચિત કરવામાં આવી છે.