કોંગ્રેસના સ્વર્ગીય નેતા અહેમદ પટેલના પુત્ર ફૈઝલ પટેલે ટ્વવિટ કરીને ચકચાર જગાવી દીધી હતી. જોકે, પાછળ આ ટ્વિટને ડિલીટ કરી દેવામાં આવી હતી. સુપરહીટ ફિલ્મ ગદરનો પાર્ટ-2 બની રહ્યો છે અને તેની હીરોઈન પણ ગદર મચાવવા તૈયાર થઈ ગઈ છે. અહેમદ પટેલના પુત્ર ફૈઝલ પટેલ અને ગદરની હિરોઈન અમિષા પટેલની અંગત તસવીરો જોઈને તમારા મનના તમામ સવાલોનો જવાબ મળી જશે. ફૈઝલ પટેલને અચાનક શું થયું અને ટ્વિટર પર ફિલ્મ અભિનેત્રી અમિષા પટેલને મેરેજ માટે ઓફર કરી દીધી.
કોંગ્રેસના દિવંગત નેતા અને કોંગ્રેસ અધ્યક્ષા સોનિયા ગાંધીના રાજકીય સલાહકાર અને રાજ્ય સભાના પૂર્વ સાંસદના પુત્ર ફૈઝલ પટેલનું એક ટ્વિટ ચર્ચાનો વિષય બની ગયું. ફૈઝલ પટેલને અચાનક શું ચળ ઉપડી કે ટ્વિટર પર અચાનક એક અભિનેત્રીને લગ્ન માટે પ્રપોઝ કરી દીધું. આ અભિનેત્રી બીજી કોઈ નહીં પણ ગુજ્જુ ગર્લ અમિષા પટેલ છે.
ફૈઝલ પટેલે ટ્વીટ કરીને બોલીવુડની હોટ અભિનેત્રી અમિષા પટેલને દુનિયાની સામે પુછી લીધું વિલ યુ મેરી મી….જોકે, તેના સવાલનો અમિષા પટેલે પણ બિંદાસ્ત થઈને જવાબ આપ્યો અને આ આખીયે કહાની ચર્ચામાં આવી ગઈ. આખરે બન્ને વચ્ચે શું રંધાઈ રહ્યું છે આ કહાની જાણવા જેવી છે. અને તેમની અંગત તસવીરો પણ સામે આવી છે.
આજે દિવંગત અહમદ પટેલના પુત્ર ફૈઝલ પટેલનો જન્મ દિવસ છે. જન્મદિવસની ઉજવણીમાં સૌ કોઈ તેમને શુભેચ્છાઓ પાઠવી રહ્યું હતું. ત્યારે ફૈઝલે સોશિયલ મીડિયા પર એવી જાહેરાત કરી કે તે અમિષા પટેલ સાથે લગ્ન કરવા માંગે છે. ફૈઝલે અમિષા પટેલને ટેગ કરીને આ ટ્વીટ કર્યું. તેની ગણતરીની ક્ષણોમાં જ સામેથી પણ રંગીન રીપ્લાય આવ્યો. ફૈઝલ પટેલે ટ્વીટ કરીને કહ્યું હતુંકે, વિલ યૂ મેરી મી! અમિષા શું તું મારી સાથે લગ્ન કરીશ? તો સામેથી જવાબ આવ્યો ડાર્લિંગ આઈ લવ યૂ!