ગરમીનો પ્રકોપ શરૂ થઇ ગયો છે. તેવામાં લોકોએ AC પંખા અને કૂલરની સર્વિસ કરાવવાનું શરૂ કરી દીધું છે. ત્યારે અમે એવા સમાચાર લઇને આવ્યા છીએ જે તમારા માટે ખાસ છે. ભીષણ ગરમીથી બચવા માટે હવે તમારે AC કે કૂલર ખરીદવાની જરૂર નહીં પડે. કેમ કે અમેરિકાના કેટલાક વૈજ્ઞાનિકોએ એવો ઉપાય શોધી કાઢ્યો છે જેનાથી તમે AC અને કૂલરને ભૂલી જશો.
કોલોરાડો યૂનિવર્સિટીમાં આ કમાલની શોધ કરવામાં આવી છે. અહીંના બે વૈજ્ઞાનિકોએ કોંગ્ગૂઇ યૈંગ અને જિયાબો યિને દાવો કર્યો કે એમણે એક રિલ એટલે કે પ્લૉસસ્ટિક રૈપ તૈયાર કરી છે. જેને ઘરમાં લગાવવાથી ઘરનું તાપમાન ઠંડુ બની રહેશે. વૈજ્ઞાનિકોનું માનીએ તો આનો બીજો ફાયદો એ પણ થશે કે આ ચીજનો ઉપયોગ કરવા માટે વિજળી કે અન્ય કોઇપણ પ્રકારના ઉપકરણની જરૂર નહીં પડે. કહેવામાં આવી રહ્યું છે કે રિલને બિલ્ડિંગ, ઘર કે ઑફિસમાં લગાવી શકાય છે. જેનાથી ઠંડકનો અહેસાસ થશે.
વૈજ્ઞાનિકોનું માનવું છે કે polymethylpentene નામના પદાર્થથી આ રિલ બનાવવામાં આવી છે. જેમાં કાચના નાના-નાના ટૂકડાનો ઉપયોગ કરવામાં આવ્યો છે. સાથે જ સીટની એક બાજુ સિલ્વરની કોટિંગ કરવામાં આવી છે જેના કારણે સૂર્યના કિરણોને રિફ્લેક્ટ કરી શકાય. રિલને બનાવનાર વૈજ્ઞાનિક ટીમનો દાવો છે કે 20 સ્ક્વેર મીટરની એક રિલ, ઘરનું તાપમાન 20 સેલ્સિયસ બનાવી દેશે. કિંમતની વાત કરીએ તો એક સ્ક્વેર મીટર રિલની કિંમત 50 અમેરિકી સેંટ છે.
AC, ફ્રીજથી દુનિયાભરમાં ગ્લોબલ વૉર્મિંગની સમસ્યા વધી રહી છે. ત્યાં આ રિલના ઉપયોગમાં કોઇપણ પ્રકારની વિજળીનો ખર્ચ નહીં થાય કે પ્રદૂષણ નહીં થાય. એવામાં ગ્લોબલ વોર્મિંગમાં પણ ઘટાડો થશે. AC કે કૂલર જેવા અન્ય ઉપકરો માટે તમારે વિજળીની આવશ્યકતા રહેતી હોય છે. પણ આ રિલ વિજળીના ઉપયોગ વિના તમારા ઘરને ઠંડું બનાવી દેશે. માનવામાં આવે છે કે અમેરિકામાં માત્ર એરકંડિશ્નિંગના ઉપયોગમાં જ 6 ટકા જેટલી વિજળી વાપરી નાખવામાં આવે છે. આવી જ હાલત તમામ વિકસિત દેશોની છે. ત્યારે આ રિલથી દુનિયાભરમાં નવી ક્રાંતિની અપેક્ષા છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.