ભાવનગરઃ અત્યારેના સમયમાં ગુજરાતમાં દુષ્કર્મની ઘટનાઓ બનતી રહે છે પરંતુ ભાવનગરમાં પિતા-પુત્રીના સંબંધોને લજવતો કિસ્સો સામે આવ્યો છે. અહીં એક પિતાએ પુત્રીની મજબૂરીનો ફાયદો ઉઠાવ્યો હતો. ભાવનગરના સિહોરમાં એક બાપે છેલ્લા એક વર્ષતી પુત્રી ઉપર સતત બળાત્કાર ગુજારતા પુત્રી ગર્ભવતિ બની હતી. જોકે, પુત્રીએ બાળકને જન્મ આપતા સમગ્ર ભાંડો ફૂટ્યો હતો. આ અંગે સિહોર પોલીસે પિતા સામે ફરિયાદ નોંધી વધુ તપાસ હાથધરી હતી.
આ અંગે મળતી માહિતી પ્રમાણે, પોલીસે યુવતીની ફરિયાદ બાદ યુવતીના પિતાને ઝડપી પાડવાની તજવીજ હાથ ધરી છે. યુવતીએ સિહોર સરકારી દવાખાનામાં બાળકને જન્મ આપ્યા બાદ હાલ મહિલાને ભાવનગર રિફર કરવામાં આવી. આ કેસમાં સંપૂર્ણ તપાસ મહિલા યુનિટને સોંપવામાં આવશે તેવું પણ જાણવા મળી રહ્યું છે.
થોડા સમય પહેલા રાજકોટમાં પણ આવો બનાવ બન્યો હતો. પત્ની રિસામણે હોવાથી નરાધામ બાપે દીકરી પર દુષ્કર્મ આચર્યુ હતું. આ અંગે દીકરીએ તાલુકા પોલીસ સ્ટેશનમાં ફરિયાદ નોંધાવતા આરોપી પિતાની ધરપકડ કરી લેવામાં આવી છે. આરોપી પિતાએ પોલીસ સમક્ષ એક જ રટણ કર્યુ હતું કે, મારાથી ભૂલ થઇ ગઇ.
આ પહેલા હિંમતનગરમાં પણ આવો કિસ્સો સામે આવ્યો હતો. જેમાં રાજસ્થાનથી ગુજરાતમાં આવીને ગત 6 વર્ષથી વસવાટ કરતા રાજસ્થાની પરિવાર મજૂરી કરીને પોતાનું જીવન નિર્વાહ ચલાવતો હતો.
આ સાથે સંતાનોની માતા મજૂરી કરી ઘરના તમામ સભ્યો જીવનનિર્વાહ કરે છે, ત્યારે કુટુંબના તેમજ પરિવારના મોભી તરીકેની જવાબદારી હોવા છતાં તેના પતિએ કોઈ કામ ધંધો કર્યો નથી. જો કે 7 સંતાનોના પિતાએ પોતાની સૌથી મોટી પુત્રી અને એકલતાનો લાભ લઇ પોતાની હવસનો શિકાર બનાવી હતી. જેની ફરિયાદ યુવતીની માતાએ હિંમતનગર પોલીસ સ્ટેશનને આપતા આરોપી બાપની અટકાયત કરવામાં આવી હતી.