ભાવનગર કલેકટર કચેરીના વર્ગ-4 ના કર્મચારી હિંમતભાઇ બારૈયા કે જે છેલ્લા ૩૦ વર્ષથી કલેકટર ઓફિસમાં પ્યુન તરીકે ફરજ બજાવતા હતા. 30 એપ્રિલના રોજ વય મર્યાદાના કારણે નિવૃત થતા તેમને વિદાય આપવામાં આવી હતી. નિષ્ઠાપૂર્વકની પોતાની ફરજના અંતિમ દિવસે હિંમતભાઇ ને કલેક્ટરની ચેમ્બરમાં કલેક્ટરની ખુરશી પર બેસાડી વિદાયમાન આપવામાં આવ્યું હતું. આ પળ તેમના જીવન માટે યાદગાર બની રહેશે કારણ કે ફરજ દરમિયાન જે ખુરશીની નિષ્ઠાપૂર્વક સેવા કરી છે તે ખુરશી પર જ તેને બેસાડી તેમજ અધિકારીઓએ બંને બાજુ ઉભા રહી ગયા હતા. વર્ગ-4 ના આ કર્મચારીને મળેલું આ સન્માન એને આજીવન યાદ રહેશે.
Sunday, May 19