PM Kisan FPO Yojana 2023: જો તમે પીએમ કિસાન સન્માન નિધિના લાભાર્થી છો, તો આ સમાચાર તમારા માટે ઉપયોગી છે. PM કિસાન નિધિના 14મા હપ્તાની તૈયારીઓ સરકારી વિભાગો દ્વારા ચાલી રહી છે. આ હપ્તાના રૂપિયા એપ્રિલથી જુલાઈ વચ્ચે ખેડૂતોના ખાતામાં આવવાના રહેશે. મોદી સરકાર દ્વારા ખેડૂતોની આવક વધારવા માટે સતત પ્રયાસો કરવામાં આવી રહ્યા છે. તેમના માટે સરકાર દ્વારા અનેક યોજનાઓ શરૂ કરવામાં આવી છે. સરકાર દ્વારા ખેડૂતોને નવો કૃષિ બિઝનેસ શરૂ કરવા માટે 15 લાખ રૂપિયાની સહાય આપવામાં આવી રહી છે.
કૃષિ બિઝનેસ શરૂ કરવા માટે મળશે નાણાકિય સહાય
ખેડૂતોને આર્થિક મદદ કરવા માટે મોદી સરકારે ‘પીએમ કિસાન એફપીઓ યોજના’ (PM Kisan FPO Yojana) યોજના શરૂ કરી છે. આ યોજના હેઠળ ખેડૂત ઉત્પાદક સંગઠનને 15 લાખ રૂપિયા આપવામાં આવશે. દેશભરના ખેડૂતોને નવો કૃષિ વ્યવસાય શરૂ કરવા માટે આર્થિક સહાય આપવામાં આવશે. આ યોજનાનો લાભ લેવા માટે 11 ખેડૂતોએ મળીને એક સંગઠન બનાવવું પડશે. આ સાથે ખેડૂતો માટે ખેતીના સાધનો કે ખાતર, બિયારણ કે દવાઓ ખરીદવામાં પણ સરળતા રહેશે.
આવી રીતે કરવી પડશે અરજી
- સૌથી પહેલા તમારે રાષ્ટ્રીય કૃષિ બજારની સત્તાવાર વેબસાઈટ પર જવાનું રહેશે
- હોમ પેજ પર આપેલા એફપીઓના વિકલ્પ પર ક્લિક કરો
- અહીં રજિસ્ટ્રેશનના ઓપ્શન પર ક્લિક કરો અને ફોર્મ તમારી સામે ખુલી જશે
- ફોર્મમાં માગેલી તમામ જાણકારી સાવચેતીપૂર્વક ભરી દો
- તેના પછી પાસબુક અથવા કેન્સલ ચેક અથવા આઈડીને સ્કેન કરી અપલોડ કરો
- અંતમાં સબ્મિટના વિકલ્પ પર ક્લિક કરો
આવી રીતે લોગિન કરો
- રાષ્ટ્રીય કૃષિ બજારની સત્તાવાર વેબસાઈટ પર જાવો
- તેના પછી તમારે હોમ પેજ પર આપેલા એફપીઓ ઓપ્શન પર ક્લિક કરવાનું રહેશે
- હવે તમે લોગિનના વિકલ્પ પર ક્લિક કરો
- તેના પછી તમારી સામે લોગિન ફોર્મ ખુલશે
- તેમાં યુઝરનેમ, પાસવર્ડ અને કેપ્ચા કોડ દાખલ કરો
- તેની સાથે જ તમે લોગિન કરી લેશો