સરકારના આ મિશનમાં સહકાર આપવાની ટેક્નોલોજી ઇન્ડસ્ટ્રીએ બાંયધરી આપી હોવાનું જણાવતાં તેમણે કહ્યું હતું કે નરેન્દ્ર મોદીના શાસનકાળ દરમિયાન જૂની નીતિઓમાં ધરમૂળથી પરિવર્તન કરી નવી નીતિઓ ઘડી કાઢવામાં આવી હોવાને કારણે ટૂંક સમયમાં જ અમે ટેક્નોલોજી ક્ષેત્ર માટેની નવી નીતિઓ જાહેર કરીશું.
તેમણે કહ્યું હતું કે સરકાર ટૂંક સમયમાં જ નવી સોફ્ટવેર પ્રોડક્ટ પોલિસી અને ડૅટાની સુરક્ષા માટેની પોલીસી સાથે આવશે. જોકે તેમણે આ નવી નીતિઓ ક્યારે અમલમાં મૂકાશે તેની સમયમર્યાદા અંગે કશું પણ કહેવાનું ટાળ્યું હતું. નૅસ્કોમના પ્રમુખ આર. ચંદ્રશેખર, ગૂગલ ઈન્ડિયાના રાજન આનંદન, વિપ્રોના રિષદ પ્રેમી, ઈન્ડિયન સેલ્યુલર એસોસિયેશનના રાષ્ટ્રીય પ્રમુખ પંકજ મહિન્દ્રુ, ઇન્ટરનેટ એન્ડ મોબાઇલ એસોસિયેશન ઓફ ઈન્ડિયાના પ્રમુખ સુભો રે અને હાઈક મેસેન્જરના સીઈઓ કવિન ભારતી મિત્તલ સહિતના મહાનુભવોએ આ બેઠકમાં હાજરી આપી હતી. બેઠકમાં સાઇબર સિક્યોરિટી અંગે પણ ચર્ચા કરવામાં આવી હતી.